English   Kannada   Malayalam   Tamil   
Botanical descriptions Ecology Distribution Literatures
Habit : | 35 മീറ്ററോളം ഉയരത്തില് വളരുന്നതും, വപ്രമൂലത്തോട്കൂടിയതുമായ, വന് മരങ്ങള്. |
Trunk & Bark : | പുറംതൊലി വിണ്ടുകീറിയത് |
Branches and Branchlets : | ഉപശാഖകള് പരുക്കനും, ഉറച്ചതും, അരോമിലവുമാണ്. |
Exudates : | സ്രവം കറുത്തത്. |
Leaves : | ഇലകള് ലഘുവും, വര്ത്തുളമായി, ഏകാന്തരക്രമത്തില് കമ്പുകളുടെ അറ്റത്ത് കൂട്ടമായി ക്രമീകരിച്ചിരിക്കുന്നതുമാണ്; ഇലഞെട്ട് 1 മുതല് 2.5 സെ.മീ. നീളമുള്ളതും, അരോമിലവും, കുറുകേയുള്ള ഛോദത്തില് മേല്ഭാഗം പരന്നും കീഴ്ഭാഗം ഉരുണ്ടിരിക്കുന്നതുമായ രൂപത്തിലുമാണ്, കൊഴിഞ്ഞ് പോകുന്ന ഒരു ജോഡി കുതിമുളക് പോലത്തെ മുഴകള് ഉണ്ടിതിന്; പത്രഫലകം 6.5 സെ.മീ. മുതല് 16 സെ.മീ. നീളവും 3 മുതല് 5 സെ.മീ. വീതിയുമുള്ളതാണ്, അപകുന്താകാരം തുടങ്ങി നേര്ത്ത അപഅണ്ഡാകാരത്തോട്കൂടിയ ഇതിന്റെ അഗ്രം വൃത്താകാരമോ ചിലപ്പോള് മധ്യത്തിലൊരു ചെറുവെട്ടോടുകൂടിയ വൃത്താകാരമോ ആണ്, പത്രാധാരം ആപ്പ് ആകൃതിയിലോ നിണ്ട് ശാഖകളെ പൊതിഞ്ഞ് നില്ക്കുന്ന വിധത്തിലോ ആണ്, അരികുകള് അവിഭജിതമോ ചിലപ്പോള് ഉണങ്ങുമ്പോള് അകത്തേക്ക് വളയുന്നതോ ആണ്; ചര്മ്മില പ്രകൃതത്തോടുകൂടിയതും അരോമിലവുമാണ്. മധ്യസില മുകളില് പരന്നോ ഉയര്ന്നു നില്ക്കുന്നതോ ആണ്. ദ്വിതീയ ഞരമ്പുകള് 6 മുതല് 11 വരെ ജോഡി; ത്രിതീയ ഞരമ്പുകള് ജാലികാവിന്യാസം തീര്ക്കുന്നു. |
Inflorescence / Flower : | പൂങ്കുലകള് ഇരുണ്ട ഊത-തവിട്ട് നിറത്തിലുള്ള, രോമാവൃതമായ ഉച്ഛസ്ഥ പാനിക്കിളുകളാണ; പൂക്കള് ബഹുലിംഗികളും, അകത്ത് രോമിലമായ, അണ്ഡാകാര ദളങ്ങളോടു കൂടിയതുമാണ്. |
Fruit and Seed : | കായ, ദീര്ഘവൃത്താകാര-ദീര്ഘായതാകാരത്തിലുള്ളതും വരകളോട്കൂടിയതുമാണ് (വരകള് മിക്കവാറും വരുന്നത് ഉണങ്ങിയതിന് ശേഷമായിരിക്കും); 3.8 സെ.മീ. നീളവും 1.5 സെ.മീ. വീതിയുമുള്ള ഇതില് ഒറ്റ വിത്താണുള്ളത്. |