English Kannada Malayalam Tamil
Botanical descriptions Ecology Distribution Literatures
| Habit : | 12 മീറ്റര്‍ വരെ ഉയരമുളള മരങ്ങള്‍. |
| Trunk & Bark : | തിരശ്ചീനശ്വസനരന്ധ്രങ്ങളുളള, ഇരുണ്ട നരച്ച ചാര നിറത്തിലുളള പുറംതൊലി. |
| Branches and Branchlets : | ശാഖകള്‍ നേര്‍ത്തതും, തൂങ്ങിനില്‍ക്കുന്നവയുമാണ്‌; ഇളതായിരിക്കുമ്പോള്‍ നനുത്ത രോമിലമായ കോണുളള ഉപശാഖകള്‍. |
| Leaves : | ലഘുവായ ഇലകള്‍, ഏകാന്തരക്രമത്തില്‍ തണ്ടിന്റെ രണ്ട്‌ ഭാഗത്ത്‌ മാത്രമയടുക്കിയ വിധത്തിലാണ്‌; അനുപര്‍ണ്ണങ്ങള്‍ ത്രികോണാകാരവും നിശിതാഗ്രവുമുളളതും എളുപ്പം കൊഴിഞ്ഞ്‌ പോകുന്നതുമാണ്‌; ഏതാണ്ട്‌ അരോമിലമായ, ഛേദത്തില്‍ ഒരു ഭാഗം പരന്നും മറുഭാഗം ഉരുണ്ടുമിരിക്കുന്ന ഘടനയുളള ഇലഞെട്ടിന്‌ 0.4 സെ.മീ മുതല്‍ 1 സെ.മീ വരെ നീളം; പത്രഫലകത്തിന്‌ 5 സെ.മീ മുതല്‍ 9.5 സെ.മീ വരെ നീളവും 1.5 സെ.മീ മുതല്‍ 3.5 സെ.മീ വരെ വീതിയും, ആകൃതി ദീര്‍ഘവൃത്തീയ - ആയതാകാരംതൊട്ട്‌ ദീര്‍ഘവൃത്തീയ അണ്‌ഡാകാരംവരെയാകാം, മുനപ്പില്ലാത്ത അറ്റത്തോടുകൂടിയ നിശിതാഗ്രമോ ചെറുതായുളള ദീര്‍ഘാഗ്രമോ ആവാം, പത്രാധാരം അസമമാണ്‌, അരികുകള്‍ ദന്തിതവും, കടലാസ്‌ പോലത്തെ പ്രകൃതം, തിളങ്ങുന്നുതും കടും പച്ചനിറത്തിലുളളതുമാണ്‌, അരോമിലം; മുകളില്‍ ഏതാണ്ട്‌ പരന്നിരിക്കുന്ന മുഖ്യസിര; നേര്‍ത്ത 9 മുതല്‍ 12 വരെ ജോഡി ദ്വിതീയ ഞരമ്പുകള്‍; ത്രിതീയ ഞരമ്പുകള്‍ ജാലിതമാണ്‌. |
| Inflorescence / Flower : | പൂക്കള്‍ ഏകലിംഗികളാണ്‌; ആണ്‍പൂക്കള്‍ കക്ഷീയ കൂട്ടങ്ങളായുണ്ടാകുന്നു; പെണ്‍പൂക്കള്‍ ഒറ്റക്ക്‌ കക്ഷങ്ങളിലുണ്ടാകുന്നു. |
| Fruit and Seed : | ഒറ്റവിത്തുളള കായ, ഉറച്ചു നില്‍ക്കുന്ന വര്‍ത്തികയുളള, ദീര്‍ഘഗോളാകാരത്തിലുളള ഡ്രൂപ്പ്‌ ആണ്‌. |