English   Lao   
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນຂຽວຕະຫລອດປີ, ລຳຕົ້ນເປັນທໍ່ກົມ, ເປືອກມີຮອຍແຕກ ເລິກ, ແຕກເຫີບເປັນໂຄ້ງໆ. ມີທາດນ້ຳມັນໄຫຼອອກ. ໃບມີຂົນ ຮູບດາວຢ່າງດົກໜາ. ຫູໃບບໍ່ຕິດກັນ, ມີຂົນອ່ອນໆດົກໜາ. ດອກອອກສີບົວ, ກີບດອກບິດ. ໝາກເປັນໝາກແຫ້ງເປືອກແຂງ ໄຂບໍ່ໄດ້, ມີປີກໝາກນ້ອຍ 3 ປີກ, ປີກໃຫຍ່ 2 ປີກ. |
ປະເພດພືດ : | ໄມ້ຢືນຕົ້ນ ໃບຂຽວຕະຫຼອດປີ ສູງ ເຖິງ 40 ແມັດ. . |
ລຳຕົ້ນ ແລະ ເປືອກ : | ລຳຕົ້ນຊ່ື, ຍາວ ແລະ ປຸ້ງຢູ່ສ່ວນລຸ່ມ. ເປືອກຂອງຕົ້ນອ່ອນກ້ຽງ ເມ່ືອແກ່ເປືອກປັນເກັດໆ, ມີຮອຍແຕກເລິກ, ເປືອກມີສີນ້ຳຕານຊ້ຳ, ເປືອກໃນມີລັກສະນະເປັນເມັດໆ. |
ງ່າ ແລະ ກິ່ງນ້ອຍ : | ງ່າ ແລະ ກິ່ງນ້ອຍ ມີລັກສະນະຫຶກ, ເປັນທໍ່ກົມ, ງ່າຢູ່ເປັນຈຸ້ມແໜ້ນໜາ, ມີຂົນຮູບດາວຍາວຫຸ້ມດົກໜາ. |
ທາດແຫຼວທີ່ລະບາຍອອກ : | ທາດແຫຼວທີ່ລະບາຍອອກ ມີສານນ້ຳມັນ. |
ໃບ : | ໃບດ່ຽວ ຈັບສະລັບ, ຂະໜາດ 7-15 x 4-7.5 ຊມ, ຮູບໄຂ່ປີ້ນ, ປາຍໃບສ້ວຍມຸມເຫວີ, ໂຄນໃບ ມົນ, ແຄມໃບລຽບ, ທ້້ອງໃບ ແລະ ກ້ານໃບ ມີຂົນຮູບດາວສີເຫຼືອງ ຫຸ້ມດົກໜາ. ກ່າງກາງ ເປັນຮ່ອງຕາມລວງຍາວ ຢູ່ດ້ານເທິງຂອງໃບ ສ່ວນຢູ່ດ້ານລຸ່ມ ມັນດູນຂຶ້ນສູງ, ກ່າງຂັ້ນສອງສະຫຼຽງ ໃຫ້ກ່າງກາງ, ຂະໜານກັນຫ່າງໆ, ມີຫູໃບຊ່ຶງມີຂົນຫຸ້ມດົກໜາ, ຕົກລົ່ນໄວ. |
ຊໍ່ດອກ / ດອກ : | ດອກ ຈັດເປັນຊໍ່ແຕກແໜງ ຈັບຢູ່ປາຍ ຫຼື ອອກຢູ່ຂ້າງກ່ິງ, ຊໍ່ດອກ ຢ່ອນລົງ ມີຂົນຮູບດາວຢາຍຢູ່ທົ່ວໆ, ດອກອອກສີໄຂ່ ແກມສີຂາວ ຫາ ສີບົວ. ກ້ານດອກຍາວຫຼຸດ 0.5 ຊມ. |
ໝາກ : | ໝາກເປັນໝາກແຫ້ງເປືອກແຂງ ໄຂບໍ່ໄດ້ , ເສັ້ນຜ່າກາງ 1-1.5 ຊມ, ມີ ຮູບກົມ, ປາຍແຫຼມເປັນຕິ່ງ ແລະ ຂົນສັ້ນໆ, ປີກໝາກປີກໃຫຍ່ ສອງປີກ ແລະ ປີກນ້ອຍ ສາມປີກ, ປີກໃຫຍ່ມີກ່າງຕົ້ນຕໍ ສາມກ່າງ. |
ແກ່ນ : | ມີແກ່ນ ຈຳນວນ 6 ເມັດ ຫຼື ຫຼາຍກວ່າ 6 ເມັດອີກ. |