English   Kannada   Malayalam   Tamil   
Botanical descriptions Ecology Distribution Literatures
Habit : | 20 മീറ്റര് വരെ ഉയരത്തില് വളരുന്ന വന് മരങ്ങള്. |
Trunk & Bark : | ആഴമില്ലാത്ത വെട്ടുകളോട് കൂടിയ തവിട്ടു, നിറത്തിലുളള പുറംതൊലി; വെട്ടുപാടിന്, തവിട്ടുതരികളോടുകൂടിയ വെളുപ്പുനിറം. |
Branches and Branchlets : | ഉപശാഖകള് ഉരുണ്ടതും, ഇളം ഭാഗങ്ങള് തുരുമ്പന് രോമങ്ങള് നിറഞ്ഞതുമാണ് |
Leaves : | ഇലകള് സാധാരണയായി ഉപസമ്മൂഖമോ മുകളിലുളളവ ഏകാന്തര ക്രമത്തിലോ ആണ്; പത്രവൃന്തത്തിന് 0.6 സെ. മീ മുതല് 1.7 സെ.മീ വരെ നീളം, ഏതാണ്ട് ഉരുണ്ടിരിക്കുന്നതും, ഉപഅരോമിലവുമാണ്, പത്രഫലകത്തിന് 9 സെ.മീ മുതല് 18 സെ.മീ വരെ നീളവും 4.5 സെ.മീ മുതല് 7 സെ.മീ വരെ വീതിയുമാണ്, ആയതാകാരമോ അണ്ഡാകാര-ആയതാകരമോ ആണ്, പത്രാഗ്രം നീണ്ടതും, പത്രാധാരം വൃത്താകാരം തൊട്ട് ഹൃദയാകാരം വരെയുമാണ്, ചര്മ്മില പ്രകൃതം, ഇരുഭാഗത്തും ചെറുതായി സില്ക്ക് രോമങ്ങള് നിറഞ്ഞതുമാണ്, മൂക്കുമ്പോള് അരോമിലമാണ്, ഉണങ്ങുമ്പോള് കറുത്ത നിറമാകുന്നു; മുഖ്യസിര ചെറുതായി മുകളില് ഉയര്ന്നു നില്ക്കുന്നതാണ്, സാവധാനത്തില് വളഞ്ഞുപോകുന്ന, 10 മുതല് 15 വരെ ജോഡി ദ്വിതീയ ഞരമ്പുകള്; ത്രിതീയ ഞരമ്പുകള് നേര്ത്തതും, ജാലിത- പെര്കറന്റ് വിധത്തിലുളളതുമാണ്; മുഖ്യസിരയും ഇലഞെട്ടും ചേരുന്ന സന്ധിയില്, കീഴ്ഭാഗത്ത് ഒരുജോഡി അവൃന്ത ഗ്രന്ഥികളുണ്ട്. |
Inflorescence / Flower : | പൂങ്കുലകള് പാനിക്കിള് സൈ്പക്കുകളാണ്; ഇളം വെളുപ്പുനിറത്തിലുളള പൂക്കള്. |
Fruit and Seed : | അസമമായ ചിറകുകളോട് കൂടിയ, തവിട്ട്കലര്ന്ന ചുവപ്പു നിറത്തിലുളള കായ സമാറയാണ്, ഒറ്റ വിത്തുമാത്രം. |