English   Kannada   Malayalam   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
ಪ್ರಕೃತಿ : | ಎಲೆಯುದುರುವ ಮಾದರಿಯ ಬೃಹತ್ ವೃಕ್ಷವಾದ ಈ ಪ್ರಭೇದ 25ಮೀ ಎತ್ತರದವರೆಗೂ ಬೆಳೆಯುತ್ತದೆ ಹಾಗೂ ಹಲವು ಸಂದರ್ಭದಲ್ಲಿ ಆನಿಕೆಗಳ ಸಮೇತವಾಗಿರುತ್ತದೆ. |
ಕಾಂಡ ಮತ್ತು ತೊಗಟೆ : | ತೊಗಟೆ ಸೀಳಿಕಾ ಅಥವಾ ಒಡಕುಳ್ಳ ಮಾದರಿಯಲ್ಲಿದ್ದು ಕಂದು ಬಣ್ಣ ಹೊಂದಿರುತ್ತದೆ.ಕಚ್ಚು ಮಾಡಿದ ಜಾಗ ಕೆನೆಬಣ್ಣವನ್ನು ಹೊಂದಿರುತ್ತದೆ. |
ಜಿನುಗು ದ್ರವ : | |
ಎಲೆಗಳು : | ಎಲೆಗಳು ಅಸಮ ಸಂಖ್ಯಾಗರಿ ಸಂಯುಕ್ತ ಮಾದರಿಯಲ್ಲಿದ್ದು, ಕತ್ತರಿಯಾಕಾರದಲ್ಲಿ ಅಭಿಮುಖಿಗಳಾಗಿದ್ದು 60ಸೆಂ.ಮೀ. ನವರೆಗಿನ ಉದ್ದ ಹೊಂದಿರುತ್ತವೆ. ಅಕ್ಷದಿಂಡು 6 ರಿಂದ 16.5ಸೆಂ.ಮೀ. ಉದ್ದವಿದ್ದು ಕಾಲುವೆಗೆರೆ ಸಮೇತವಾಗಿದ್ದು ರೋಮರಹಿತವಾಗಿರುತ್ತವೆ. 3 ರಿಂದ 5 ಅಭಿಮುಖಿ ಜೋಡಿ ಕಿರು ಎಲೆಗಳಿದ್ದು ಒಂದು ಅಗ್ರಸ್ಥಾನದಲ್ಲಿರುತ್ತದೆ; ಕಿರು ಎಲೆಗಳ ತೊಟ್ಟು 0.8 ರಿಂದ 1.5ಸೆಂ.ಮೀ. ಉದ್ದವಿದ್ದು ಕಾಲುವೆಗೆರೆ ಸಮೇತವಾಗಿರುತ್ತದೆ; ಪತ್ರಗಳು 5 ರಿಂದ 15 ಸೆಂ.ಮೀ. ಉದ್ದ 2.5 ರಿಂದ 7.5ಸೆಂ.ಮೀ. ಅಗಲ ಹೊಂದಿದ್ದು ಅಂಡವೃತ್ತಾ-ಕೃತಿಯಲ್ಲಿದ್ದು ಬಾಲರೂಪಿ ತುದಿ (ತೀಕ್ಷ್ಣಾಗ್ರ ಭಾಗ 1.5 ರಿಮದ 4ಸೆಂ.ಮೀ. ಉದ್ದ) ಬೆಣೆಯಾಕಾರದಿಂದ ಅಸಮ್ಮಿತಿಯವರೆಗಿನ ಬುಡಭಾಗ, ನಯವಾದ ಅಂಚು, ರೋಮರಹಿತವಾದ ಹಾಗೂ ಕಾಗದವನ್ನೋಲುವ ಮೇಲ್ಮೈಯನ್ನು ಹೊಂದಿರುತ್ತವೆ; ಮಧ್ಯನಾಳ ಪತ್ರದ ಮೇಲ್ಭಾಗದಲ್ಲಿ ಚಪ್ಪಟೆಯಾಗಿರುತ್ತದೆ; ಎರಡನೇ ದರ್ಜೆಯ ನಾಳಗಳು ಕ್ರಮೇಣ ಓರೆಯಾಗುವ 8 ರಿಂದ 10 ಜೋಡಿಗಳಿದ್ದು ತೃತೀಯ ದರ್ಜೆಯ ನಾಳಗಳು ದುರ್ಬಲವಾಗಿ ಎಲೆದಿಂಡಿಗೆ ಅಡ್ಡವಾಗಿ ಕೂಡುವಂತಹವು. |
ಪುಷ್ಪಮಂಜರಿ/ಹೂಗಳು : | ಪುಷ್ಪ ಮಂಜರಿಗಳು ಸಡಿಲವಾಗಿದ್ದು ತುದಿಯಲ್ಲಿನ ಕವಲೊಡೆಯುವ ಮಧ್ಯಾಭಿಸರ ಮಾದರಿಯವು; ಹೂಗಳು ಕಂದುಮಿಶ್ರಿತ ಕೆನ್ನೀಲಿ ಬಣ್ಣದವಾಗಿದ್ದು ಹಳದಿ ಒಳಾವರಣವನ್ನು ಹೊಂದಿರುತ್ತವೆ. ಪುಷ್ಪದಳಗಳು ಉಣ್ಣೆಯುಕ್ತವಾಗಿರುತ್ತವೆ. |
ಕಾಯಿ /ಬೀಜ : | ಸಂಪುಟ ಫಲಗಳು 4-ಕೋನಯುಕ್ತವಾಗಿದ್ದು, 40ಸೆಂ.ಮೀ. ವರೆಗಿನ ಉದ್ದ ಹೊಂದಿದ್ದು ತಿರುಚಿಕೊಂಡಿರುತ್ತದೆ; ಬೀಜಗಳು ರೆಕ್ಕೆಯುಕ್ತವಾಗಿದ್ದು ಬಹು ಸಂಖ್ಯೆಯಲ್ಲಿರುತ್ತವೆ. |