English   Kannada   Malayalam   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
ಪ್ರಕೃತಿ : | 35 ಮೀ ಎತ್ತರದವರೆಗೂ ಬೆಳೆಯುವ ದೊಡ್ಡ ಮರಗಳು. |
ಕಾಂಡ ಮತ್ತು ತೊಗಟೆ : | ತೊಗಟೆ ಸೀಳಿಕಾ ವಿನ್ಯಾಸದಲ್ಲಿದ್ದು ನಸುಗೆಂಪು ಬಣ್ಣದ ಕಚ್ಚುಗಳನ್ನು ಹೊಂದಿರುತ್ತದೆ |
ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ದೃಢ ಹಾಗೂ ರೋಮರಹಿತವಾಗಿರುತ್ತವೆ. |
ಎಲೆಗಳು : | ಎಲೆಗಳು ಕುಡಿ ಕೊಂಬೆಗಳ ತುದಿಯಲ್ಲಿ ಗುಂಪಾಗಿದ್ದು, ಸರಳ ರೀತಿಯವಾಗಿದ್ದು ಪರ್ಯಾಯ ಸುತ್ತು ಜೋಡನಾ ವ್ಯವಸ್ಥೆಯಲ್ಲಿರುತ್ತವೆ. ಎಲೆ ತೊಟ್ಟುಗಳು ರೋಮ ರಹಿತವಾಗಿದ್ದು 5 ರಿಂದ 8 ಸೆಂ.ಮೀ. ಉದ್ದವಿದ್ದು ಗುಂಡಾಕೃತಿಯನ್ನು ಹೊಂದಿರುತ್ತದೆ. ಎಲೆಪತ್ರದ ಗಾತ್ರ 29-60 × 11-17 ಸೆಂ.ಮೀ. ಇದ್ದು, ಅಗಲವಾದ ಬುಗುರಿ ಆಕಾರ ಹೊಂದಿರುತ್ತದೆ. ತುದಿ ಗುಂಡಾಗಿದ್ದು ಬುಡಭಾಗ ಚೂರಾಗಿರುತ್ತದೆ. ಅಂಚು ಹಿಂಸುರಿಯಾಗಿದ್ದು, ಮೇಲ್ಮೈ ತೊಗಲಿನ ತರಹದ್ದು ಹಾಗೂ ರೋಮರಹಿತ; ಮಧ್ಯನಾಳ ಪತ್ರದ ಮೇಲ್ಭಾಗದಲ್ಲಿ ಚಪ್ಪಟೆಯಾಗಿಯೂ ತಳಭಾಗದಲ್ಲಿ ದೃಢವಾಗಿರುತ್ತದೆ. ಎರಡನೇ ದರ್ಜೆಯ ನಾಳಗಳು 14 ರಿಂದ 18 ಜೋಡಿ ಇದ್ದು ನೇರವಾಗಿದ್ದು, ಮೇಲ್ಭಾಗದಲ್ಲಿ ಪ್ರಾಮುಖ್ಯವಾಗಿ ಉಬ್ಬಿಕೊಂಡಿರುತ್ತದೆ. ಈ ನಾಳಗಳು ಪತ್ರದ ಅಂಚಿನ ಬಳಿ ತಿರುವು ಪಡೆಯುತ್ತವೆ. ತೃತೀಯ ದರ್ಜೆಯ ನಾಳಗಳು ಜಾಲಬಂಧ ನಾಳ ವಿನ್ಯಾಸದವು. |
ಪುಷ್ಪಮಂಜರಿ/ಹೂಗಳು : | ಹೂಗಳು ಏಕಲಿಂಗಗಳಾಗಿದ್ದು ಹಾಗೂ ರೋಮರಹಿತವಾಗಿದ್ದು ಅಕ್ಷಾಕಂಕುಳಿನಲ್ಲಿ ಮತ್ತು ತುದಿಯಲ್ಲಿರುವ ಪುನರಾವೃತ್ತಿಯಾಗಿ ಕವಲೊಡೆದ ಪುಷ್ಪಮಂಜರಿಯಲ್ಲಿರುತ್ತವೆ. |
ಕಾಯಿ /ಬೀಜ : | ಕಾಯಿಗಳು 3ಸೆಂ.ಮೀ. ಉದ್ದವಿದ್ದು, ಒಂದು ಬೀಜ ಹೊಂದಿರುತ್ತವೆ. ಓರೆಯಾದ ಚತುರಸ್ರಾಕಾರದ ಆಕಾರದಲ್ಲಿದ್ದು ಮಾಂಸಲವಾದ ಹೈಪೋಕಾರ್ಪ್ ಮೇಲೆ ಆಸೀನವಾಗಿರುತ್ತವೆ. |