English   Kannada   Malayalam   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಸ್ಥಿತಿ ಗ್ರಂಥ ಸೂಚಿ
ಪ್ರಕೃತಿ : | ಪೊದೆಗಳು ಅಥವಾ ಸಣ್ಣ ಮರಗಳು ಅಂದಾಜು 5ಮೀ ಎತ್ತರದವರಗೂ ಬೆಳೆಯುತ್ತವೆ. |
ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ಮೃದು ತುಪ್ಪಳ ಸಹಿತವಾಗಿರುತ್ತವೆ. |
ಎಲೆಗಳು : | ಎಲೆಗಳು ಸರಳ, ಪರ್ಯಾಯ ಜೋಡನಾ ವ್ಯವಸ್ಥೆಯಲ್ಲಿದ್ದು ಕಾಂಡದ ಎರಡೂ ಕಡೆ ಎದುರು ಬದರಿನ ಸಾಲಿನಲ್ಲಿರುವ ಜೋಡಿಸಲ್ಪಟ್ಟಿರುತ್ತವೆ. ಎಲೆ ತೊಟ್ಟು 3ಸೆಂ.ಮೀ. ನವರೆಗಿರುತ್ತವೆ. ಬಹುಮಟ್ಟಿಗೆ ಗುಂಡಾಕಾದರದಲ್ಲಿದ್ದು, ಧೃಡ ಹಾಗೂ ಮೃದುತುಪ್ಪಳವನ್ನು ಹೊಂದಿರುತ್ತದೆ; ಎಲೆಪತ್ರ 10-20 × 3-6ಸೆಂ.ಮೀ, ಬುಗುರಿ – ಭರ್ಜಿ ಆಕಾರ ಹೊಂದಿದ್ದು ಬಾಲರೂಪಿ – ಕ್ರಮೇಣ ಚೂಪಾಗುವ ತುದಿ, ಬಹುಮಟ್ಟಿಗೆ ಹೃದಯಾಕಾರದ ಬುಡ, ಅಲೆಯಾಕಾರದ ಅಂಚು ಹೊಂದಿರುತ್ತವೆ. ಹಾಗೂ ಸೂಕ್ಷ್ಮವಾಗಿ ಮೃದು ತುಪ್ಪಳ ಸಹಿತ ಅಥವಾ ಉಪರೋಮರಹಿತವಾದ ತಳಭಾಗ ಮತ್ತು ರೋಮರಹಿತವಾದ ಮೇಲ್ಭಾಗವನ್ನು ಪಡೆದಿರುತ್ತವೆ. ಎರದನೇ ದರ್ಜೆಯ ನಾಳಗಳು 8 ರಿಂದ 10 ಜೋಡಿಗಳು ; ತೃತೀಯ ದರ್ಜೆಯ ನಾಳಗಳು ತೆಳ್ಳಗಿದ್ದು, ದುರ್ಬಲವಾಗಿ ಅಕ್ಷಾದಿಂಡಿಗೆ ಸೇರುವಂತಹವು. |
ಪುಷ್ಪಮಂಜರಿ/ಹೂಗಳು : | ಹೂಗಳು ಕೆನೆಮಿಶ್ರಿತ ಶ್ವೇತ ವರ್ಣದವು ಒಂಟಿಯಾಗಿ ಅಥವಾ ಗುಚ್ಛಗಳಲ್ಲಿದ್ದು ಎಲೆಗಳಿಗೆ ಅಭಿಮುಖವಾಗಿ ಅಥವಾ ಅಗ್ರ ಅಕ್ಷಾಕಂಕುಳಿನಲ್ಲಿರುತ್ತವೆ; ಹೂತೊಟ್ಟುಗಳು 1ಸೆಂ.ಮೀ. ಉದ್ದವಿದ್ದು, ದಟ್ಟ ಮೃದು ತುಪ್ಪಳ ಸಹಿತವಾಗಿರುತ್ತವೆ. |
ಕಾಯಿ /ಬೀಜ : | ಸಾಮೂಹಿಕವಾಗಿರುವ ಒಂದರಿಂದ ಎರಡು ಬೀಜಗಳನ್ನೊಳಗೊಂಡ ಬೆರ್ರಿಗಳು ಕೆಂಪು ಬಣ್ಣ ಹೊಂದಿರುತ್ತವೆ. |