English Kannada Malayalam Tamil
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಸ್ಥಿತಿ ಗ್ರಂಥ ಸೂಚಿ
| ಪ್ರಕೃತಿ : | 12 ಮೀ ಎತ್ತರದವರೆವಿಗೆ ಬೆಳೆಯುವ ಮರಗಳು. |
| ಕಾಂಡ ಮತ್ತು ತೊಗಟೆ : | ಕಂದು ಮಿಶ್ರಿತ ನಸುಗೆಂಪು ಕಚ್ಚುಗಳುಳ್ಳ, ಸೂಕ್ಷ್ಮವಾದ ಸೀಳೀಕಾ ಮಾದರಿಯ ತೊಗಟೆಯನ್ನು ಈ ಪ್ರಭೇಧ ಹೊಂದಿರುತ್ತದೆ. |
| ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ತೆಳು ಹಾಗೂ ಗುಂಡಾಕೃತಿಯಲ್ಲಿದ್ದು ರೋಮರಹಿತವಾಗಿರುತ್ತವೆ. |
| ಜಿನುಗು ದ್ರವ : | ಸಸ್ಯ ಕ್ಷೀರವು ಕೊಳಕು ಬಿಳಿ ಬಣ್ಣದಲ್ಲಿರುತ್ತದೆ. |
| ಎಲೆಗಳು : | ಎಲೆಗಳು ಸರಳ, ಪರ್ಯಾಯ – ಸುತ್ತು ಜೋಡನಾ ವ್ಯವಸ್ಥೆಯಲ್ಲಿದ್ದು,ರೋಮರಹಿತವಾದ,0.6 – 1.5 ಸೆಂ.ಮೀ ಉದ್ದವಿರುವ ಎಲೆತೊಟ್ಟುಗಳನ್ನು ಹೊಂದಿರುತ್ತವೆ.ಎಲೆ ಪತ್ರ 6 – 16 x 1.2 - 4.5 ಸೆಂ.ಮೀ ಗಾತ್ರವನ್ನು ಹೊಂದಿರುತ್ತವೆ ಹಾಗೂ ಸಂಕುಚಿತ ಅಂಡವೃತ್ತಾಕಾರದಿಂದ ಸಂಕುಚಿತ ಧೀರ್ಘ ಚತುರಸ್ರಾಕಾರದ ಆಕಾರದಲ್ಲಿರುತ್ತವೆ. ಬಾಲರೂಪಿಯಿಂದ ಕ್ರಮೇಣ ಚೂಪಾಗುವ ಎಲೆತುದಿ ಹಾಗೂ ಚೂಪಾದುದರಿಂದ ಒಳಬಾಗಿದ ತಳವುಳ್ಳ ಬುಡವನ್ನು ಹೊಂದಿರುತ್ತದೆ. ಎಲೆಯಂಚು ಅಲೆಯಾಕಾರದಲ್ಲಿದ್ದು. ಮೇಲ್ಮೈ - ತೊಗಲಿನ ತರಹವಿದ್ದು ರೋಮರಹಿತವಾಗಿರುತ್ತದೆ; ಪತ್ರದ ತಳಭಾಗ ಮಾಸಲು ಬೂದಿ ಹಸಿರುಬಣ್ಣದ್ದಾಗಿರುತ್ತದೆ; ಮಧ್ಯನಾಳ ಪತ್ರದ ಮೇಲ್ಬಾಗದಲ್ಲಿ ಉಬ್ಬಿರುತ್ತದೆ; ಎರಡನೇ ದರ್ಜೆ ನಾಳಗಳು 14 ರಿಂದ 20 ಜೋಡಿಗಳಿದ್ದು, ಮಿತವಾದ ಕೋನಗಳನ್ನೊಳಗೊಂಡಿದ್ದು ಸಮಾಂತರದಲ್ಲಿರುತ್ತವೆ; ಮೂರನೇ ದರ್ಜೆ ನಾಳಗಳು ದುರ್ಬಲವಾಗಿ ಎಲೆ ದಿಂಡಿಗೆ ಅಡ್ಡವಾಗಿ ಕೂಡುತ್ತವೆ. |
| ಪುಷ್ಪಮಂಜರಿ/ಹೂಗಳು : | ಹೂಗಳು ಏಕಲಿಂಗಿಗಳಾಗಿದ್ದು , ಸಾಮಾನ್ಯವಾಗಿ ಅಕ್ಷಾಕಂಕುಳಿನಲ್ಲಿರುವ ನಿಯತ ಮಧ್ಯಾಭಿಸರ ಪುಷ್ಪಮಂಜರಿ ಅಥವಾ ಪುನರಾವೃತ್ತಿಯಾಗಿ ಕವಲೊಡೆದ ಪುಷ್ಪಮಂಜರಿಯಲ್ಲಿರುತ್ತವೆ. |
| ಕಾಯಿ /ಬೀಜ : | ಕಾಯಿಗಳು ಡ್ರೂಪ್ ಫಲ ಮಾದರಿಯವು ಹಾಗೂ ಸಂಕುಚಿತವಾಗಿದ್ದುಒಂದು ಬೀಜವನ್ನೊಳಗೊಂಡಿರುತ್ತವೆ. |