English   Kannada   Tamil   
மரங்களின் பண்புகள் வாழியல்வு காணப்படும் இடம் தற்போதைய நிலை சான்று ஏடு
வளரியல்பு : | மரங்கள் 25 மீ. உயரம் வரை வளரக்கூடியது. |
தண்டு மற்றும் மரப்பட்டை : | மரத்தின் பட்டை பச்சை-கருப்பு, வழவழப்பானது; உள்பட்டை சிவப்பு நிறமானது. |
கிளைகள் & சிறிய நுனிக்கிளைகள் : | கிளைகள் நிலத்திற்கு கிடைமட்டமானது; சிறியநுனிக்கிளைகள் குறுக்குவெட்டுத் தோற்றத்தில் வளையமானது, உரோமங்களற்றது. |
சாறு : | மரத்தின் பட்டை வெட்டப்படும் போது சிவப்பு நிற பால் அதிகளவு சுரக்கிறது. |
இலைகள் : | இலைகள் தனித்தவை, மாற்றுஅடுக்கமானவை, இருநெடுக்கு_வரிசையிலையடுக்கம் (டைஸ்டிக்கஸ்); இலைக்காம்பு 1.0-1.5 செ.மீ. நீளமானது, இலைக்காம்பு குறுக்குவெட்டுத் தோற்றத்தில் கேனாலிகுலேட், உரோமங்களற்றது; இலை அலகு 9.5-22 x 3.7-10 செ.மீ., நீள்வட்ட வடிவானது அல்லது நீள்வட்ட-நீள்சதுர வடிவானது, அலகின் நுனி கூரியது, அலகின் தளம் கூரியது அல்லது அட்டனுவேட், அலகின் விளிம்பு முழுமையானது, அலகின் மேற்பரப்பு பளபளப்பானது, உரோமங்களற்றது மற்றும் அலகின் கீழ்பரப்பு மெழுகுபூசியது (க்களாக்கஸ்) போன்றது, கோரியேசியஸ்; மையநரம்பு மேற்புறத்தில் அலகின் பரப்பைவிட உயர்ந்து இருக்கும்; இரண்டாம் நிலை நரம்புகள் 8-14 ஜோடிகள், மெல்லியது, சிறிது அலகின் பரப்பைவிட பள்ளமானது; மூன்றாம் நிலை நரம்புகள் அகன்ற வலைப்பின்னல் போன்றவை அல்லது கண்களுக்கு புலப்படாது. |
மஞ்சரி / மலர்கள் : | மலர்கள் ஓர் பாலானவை, ஆர்சியோலெட், வெள்ளை நிறமானது; ஆண் மலர்கள் எண்ணற்றவை, சிறியவை, சைம் வகை, இலைக்கோணங்களில் காணப்படுபவை; பெண் மலர்கள் அம்பல் வகை மஞ்சரி, 5-6 மலர்களுடையது. |
கனி / விதை : | வெடிகனி (கேப்சியூல்) 5-7.5 x 1.8-3.5, நீள்சதுர வடிவானது, உரோமங்களுடையது; ஒரு விதையுள்ள கனி, நீள்சதுர வடிவானது;விளிம்களில் பிளவுடைய மஞ்சள் நிற சதைப்பற்றான பத்ரி (ஏரில்) உடையது. |