English Kannada Malayalam Tamil
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
| ಪ್ರಕೃತಿ : | 10 ಮೀ. ಎತ್ತರದವರೆಗೆ ಬೆಳೆಯುವ ಮರಗಳು. |
| ಕಾಂಡ ಮತ್ತು ತೊಗಟೆ : | ಕಾಂಡ ಕಡು ಕಂದು ಬಣ್ಣ ಹೊಂದಿದ್ದು ಆಳವಿಲ್ಲದ ಸೀಳಿಕಾ ಮಾದರಿಯಲ್ಲಿದ್ದು, ಕಚ್ಚು ಮಾಡಿದ ಜಾಗ ನಸು- ಕಂದು ಬಣ್ಣದಲ್ಲಿರುತ್ತದೆ |
| ಎಲೆಗಳು : | ಎಲೆಗಳು ಸಮಸಂಖ್ಯಾ ಗರಿರೂಪಿ ಸಂಯುಕ್ತ ಮಾದರಿಯಲ್ಲಿದ್ದು ಪರ್ಯಾಯ ಜೋಡನಾ ವ್ಯವಸ್ಥೆಯಲ್ಲಿದ್ದು ಕಾಂಡದ ಎರಡೂ ಕಡೆಯ ಎದುರು ಬದರಿನ ಲಂಬ ಸಾಲಿನಲ್ಲಿರುತ್ತವೆ; ಕಾವಿನೆಲೆಗಳು ಜೋಡಿಗಳಾಗಿದ್ದು, ಎಲೆಯನ್ನು ಹೋಲುವಂತಿದ್ದು 4 x 1.5 ಸೆ.ಮೀ. ಗಾತ್ರದಲ್ಲಿದ್ದು, ಇಕ್ಕಟ್ಟಾದ ಅಂಡಾಕಾರ ಹೊಂದಿದ್ದು ಕ್ರಮೇಣ ಚೂಪಾಗುವ ತುದಿಯನ್ನು ಹೊಂದಿರುತ್ತವೆ, ಬುಡದಲ್ಲಿ ವಿಶಾಲವಾದ ಮೂತ್ರಕೋಶ ಮಾದರಿಯ ಉಪಾಂಗ ಇರುತ್ತದೆ; ಅಕ್ಷದಿಂಡು ಉಬ್ಬಿದ ಬುಡಸಮೇತವಿರುತ್ತದೆ ಹಾಗೂ 5 ರಿಂದ 13.5 ಉದ್ದ ಹೊಂದಿರುತ್ತದೆ. ತುಸುವಾದ ರೆಕ್ಕೆ ಪಡೆದಿರುವುದನ್ನು ಬಿಟ್ಟರೆ ಆಕಾರದಲ್ಲಿ ದುಂಡಾಗಿರುತ್ತದೆ; ಕಿರು ಎಲೆಗಳ ತೊಟ್ಟು 0.5 ರಿಂದ 0.8 ಸೆ.ಮೀ. ಉದ್ದ ಹೊಂದಿರುತ್ತದೆ; ಕಿರು ಎಲೆಗಳು 3 ಜೋಡಿಗಳಿದ್ದು ಅಭಿಮುಖಿ ಅಥವಾ ಉಪ-ಅಭಿಮುಖಿಗಳಾಗಿರುತ್ತವೆ, ಸಾಮಾನ್ಯವಾಗಿ ಕೆಳಗಿನ ಜೋಡಿ ಮೇಲಿನ ಜೋಡಿಗಿಂತ ಕೊಂಚ ಸಣ್ಣಗಾತ್ರವನ್ನು ಹೊಂದಿರುತ್ತದೆ, ಪತ್ರ 9–25 x 2.5–7 ಸೆ.ಮೀ. ಗಾತ್ರದಲ್ಲಿದಲ್ಲಿದು ಇಕ್ಕಟ್ಟಾದ ಅಂಡ - ವೃತ್ತ ಅಥವಾ ಭರ್ಜಿಯಾಕಾರ ಹೊಂದಿರುತ್ತದೆ, ಕಿರು ಎಲೆಗಳ ತುದಿ ಅನುಕ್ರಮವಾಗಿ ಕ್ರಮೇಣ ಚೂಪಾಗುವ ಮಾದರಿಯಲ್ಲಿದ್ದು, ಬುಡ ಚೂಪಾಗಿರುತ್ತದೆ, ಅಂಚು ನಯವಾಗಿರುತ್ತದೆ, ಕಿರು ಎಲೆಗಳು ಕಾಗದವನ್ನೋಲುವ ಅಥವಾ ತೊಗಲನ್ನೋಲುವ ಮಾದರಿಯಲ್ಲಿದ್ದು ರೋಮರಹಿತವಾಗಿರುತ್ತವೆ; ಮಧ್ಯನಾಳ ಪತ್ರದ ಮೇಲ್ಭಾಗದಲ್ಲಿ ಚಪ್ಪಟೆಯಾಗಿರುತ್ತದೆ; ಎರಡನೇ ದರ್ಜೆಯ ನಾಳಗಳು 9–13 ಜೋಡಿಗಳಿದ್ದು ತುದಿಯ ಕಡೆಗೆ ಮೇಲೇರುವಂತಿರುತ್ತವೆ; ಮೂರನೇ ದರ್ಜೆಯ ನಾಳಗಳು ಜಾಲಬಂಧ ನಾಳ ವಿನ್ಯಾಸದಲ್ಲಿರುತ್ತವೆ. |
| ಪುಷ್ಪಮಂಜರಿ/ಹೂಗಳು : | ಹೂಗಳು ಶ್ವೇತ ಬಣ್ಣದಲ್ಲಿದ್ದು, ಕಂದು ಮಿಶ್ರಿತ ಹಳದಿ ಬಣ್ಣದ ಮಖಮಲ್ಲಿನಿಂದ ಆವೃತವಾದ ಅಕ್ಷಾಕಂಕುಳಿನಲ್ಲಿರುವ ಮಧ್ಯಾಭಿಸರ ಪುಷ್ಪಮಂಜರಿಯಲ್ಲಿರುತ್ತವೆ. |
| ಕಾಯಿ /ಬೀಜ : | ಪಾಡುಗಳು 20 ಸೆ.ಮೀ.ವರೆಗಿನ ಉದ್ದ ಹೊಂದಿದ್ದು ತೆಳು ಹಾಗೂ ಚಪ್ಪಟೆಯಾಗಿದ್ದು ಕಂದು ಮಿಶ್ರಿತ ಹಳದಿ ಬಣ್ಣದ ಮೃದು ತುಪ್ಪಳದಿಂದ ಆವೃತವಾಗಿರುತ್ತವೆ ಹಾಗೂ 4 ಬೀಜಗಳನ್ನೊಳಗೊಂಡಿರುತ್ತವೆ. |