English   Kannada   Malayalam   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
ಪ್ರಕೃತಿ : | 5 ರಿಂದ 7ಮೀ ಎತ್ತರದವರೆವಿಗೆ ಬೆಳೆಯುವ ಸಣ್ಣ ಮರಗಳು |
ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ರೋಮರಹಿತವಾಗಿದ್ದು, ಎಳೆಯ ಕವಲುಗಳು ಸೂಕ್ಷ್ಮವಾದ ಮೃದುತುಪ್ಪಳ ಸಹಿತವಾಗಿರುತ್ತವೆ. |
ಎಲೆಗಳು : | ಎಲೆಗಳು ಸರಳವಾಗಿದ್ದು, ಪರ್ಯಾಯ ಜೋಡನಾ ವ್ಯವಸ್ಥೆಯಲ್ಲಿದ್ದು ಕಾಂಡದ ಎರಡೂ ಕಡೆ ಎದುರು ಬದರಿನ ಲಂಬಸಾಲಿನಲ್ಲಿರುತ್ತವೆ. ತೊಟ್ಟುಗಳು 0.6 ರಿಂದ 1 ಸೆಂ.ಮೀ. ಉದ್ದವಿದ್ದು ಕಾಲುವೆಗೆರೆ ಸಹಿತವಾಗಿದ್ದು ರೋಮರಹಿತವಾಗಿರುತ್ತವೆ; ಎಲೆ ಪತ್ರ 8 - 22 × 4 - 4.5 ಸೆಂ.ಮೀ. ಇದ್ದು ರೇಖಾತ್ಮಕ-ಭರ್ಜಿಯಾಕಾರದಲ್ಲಿರುತ್ತದೆ, ತುದಿ ಕ್ರಮೇಣ ಚೂಪಾಗುವ ಮಾದರಿಯಲ್ಲಿದ್ದು, ಬುಡ ಬೆಣೆಯಾಕಾರದಲ್ಲಿರುತ್ತದೆ. ಎಲೆ ಪತ್ರರೋಮರಹಿತ, ಮೇಲ್ಮೈ ಕಾಗದದ ಮಾದರಿಯಲ್ಲಿದ್ದು ಸಾಮಾನ್ಯವಾಗಿ ತಳಭಾಗದಲ್ಲಿ ಕಪ್ಪು ಚುಕ್ಕೆಗಳಿಂದ ಕೂಡಿರುತ್ತದೆ. ಮಧ್ಯನಾಳ ಪತ್ರದ ಮೇಲ್ಭಾಗದಲ್ಲಿ ಕಾಲುವೆಗೆರೆ ಸಮೇತವಾಗಿರುತ್ತದೆ; ಎರಡನೇ ದರ್ಜೆಯ ನಾಳಗಳು 13 ರಿಂದ 25 ಜೋಡಿಗಳಿದ್ದು ತೆಳುವಾಗಿದ್ದು ಪತ್ರ ಅಂಚಿನಲ್ಲಿ ಕುಣಿಕೆಗೊಳ್ಳುತ್ತವೆ. ತೃತೀಯ ದರ್ಜೆಯ ನಾಳಗಳು ಸ್ಥೂಲವಾದ ಜಾಲಬಂಧನಾಳ ವಿನ್ಯಾಸದಲ್ಲಿದ್ದು, ಪ್ರಮುಖವಾಗಿ ಗೋಚರಿಸುವುದಿಲ್ಲ. |
ಪುಷ್ಪಮಂಜರಿ/ಹೂಗಳು : | ಹೂಗಳು ಹಳದಿ ಛಾಯೆಯುಳ್ಳ ಕೆನ್ನೀಲಿ ಬಣ್ಣ ಹೊಂದಿದ್ದು, ಅಕ್ಷಾಕಂಕುಳಿನಲ್ಲಿ ಒಂಟಿಯಾಗಿರುತ್ತವೆ. ಹೂ ತೊಟ್ಟುಗಳು 7 - 12ಮಿ.ಮೀ. ಉದ್ದವಿದ್ದು ಮೃದು ತುಪ್ಪಳದಿಂದ ಕೂಡಿರುತ್ತವೆ. |
ಕಾಯಿ /ಬೀಜ : | ಬಹುಮಟ್ಟಿಗೆ ತೊಟ್ಟುರಹಿತವಾದ ಒಂದು ಬೀಜವುಳ್ಳ ಬೆರ್ರಿಗಳು ಬುಗುರಿಯಾಕಾರದಲ್ಲಿದ್ದು, ತುದಿಯಲ್ಲಿ ಸೂಕ್ಷ್ಮ ಮೊನಚನ್ನು ಹೊಂದಿದ್ದು ಸಾಮೂಹಿಕವಾಗಿರುತ್ತವೆ, ಬೆರ್ರಿಗಳು 1.5 ರಿಂದ 2.5 ಸೆಂ.ಮೀ. ಉದ್ದವಿದ್ದು ರೋಮರಹಿತವಾಗಿದ್ದು, ಹಣ್ಣಾದಾಗ ಹಳದಿ ಬಣ್ಣದ್ದಾಗಿರುತ್ತದೆ. |