English Kannada Malayalam Tamil
மரங்களின் பண்புகள் வாழியல்வு காணப்படும் இடம் சான்று ஏடு
| வளரியல்பு : | பெரிய குத்துச்செடி முதல் சிறிய மரம், 3-5 மீ. உயரமுடையது. |
| கிளைகள் & சிறிய நுனிக்கிளைகள் : | சிறிய நுனிக்கிளைகள் உரோமங்களற்றது. |
| இலைகள் : | இலைகள் தனித்தவை, மாற்றுஅடுக்கமானவை, இருநெடுக்கு வரிசையிலையடுக்கம் (டைஸ்டிக்கஸ்); இலைக்காம்பு 0.5-1.0 செ.மீ. நீளமானது, புதிய இலைக்காம்பு மெல்லிய உரோமங்களுடையது, இலைக்காம்பு குறுக்குவெட்டுத் தோற்றத்தில் கேனாலிகுலேட்; இலை அலகு 10-23 X 3.5-7.5 செ.மீ., நீள்வட்டம்-நீள்சதுரம் முதல் தலைகீழ் ஈட்டி வடிவம்; அலகின் நுனி அதிக்கூரியது (கொஞ்சம் கொஞ்சமாக குறுகி கூர்மையானது) அலகின் தளம் கூரியது முதல் ஆப்பு வடிவம் கொண்டது, அலகின் விளிம்பு அலைப்போன்றது, கீழ்பரப்பு உரோமங்களற்றது; இரண்டாம் நிலை நரம்புகள் 8-15 ஜோடிகள், வளைந்தது, நரம்புகளுக்கு இடைப்பட்ட பகுதி மேற்பகுதியில் மேலெழும்பியது, மூன்றாம் நிலை நரம்புகள் அகன்ற வலைப்பின்னல். |
| மஞ்சரி / மலர்கள் : | மலர்கள் தனியானது, இலைக்கோணங்களில் அமைந்தவை அல்லது முதிர்ந்த கிளைகளின் நுனியில் 1 முதல் 3 மலர்கள் கொத்தாகக் காணப்படும், புல்லி இதழ்கள் சிவப்பு கலந்த பச்சை, அல்லி இதழ்கள் வெளிறிய பச்சை நிறம். |
| கனி / விதை : | ஒரு விதையுள்ள முழுச்சதைகனி (பெர்ரி). |