English Kannada Malayalam Tamil
மரங்களின் பண்புகள் வாழியல்வு காணப்படும் இடம் சான்று ஏடு
| வளரியல்பு : | மரங்கள் 12 மீ. உயரம் வரை வளரக்கூடியது |
| தண்டு மற்றும் மரப்பட்டை : | மரத்தண்டு குறுக்குவெட்டுத் தோற்றத்தில் ஒழுங்கற்ற வளையமானது; மரத்தின் பட்டை சாம்பல் நிறமானது, வழுவழுப்பானது, ஆங்காங்கே லெண்டிசெல் கொண்டது; உள்பட்டை வெளிறிய ஆரஞ்சு நிறமானது. |
| கிளைகள் & சிறிய நுனிக்கிளைகள் : | சிறிய நுனிக்கிளைகள் தடித்தது, குறுக்குவெட்டுத் தோற்றத்தில் வளையமானது, உரோமங்களற்றது. |
| இலைகள் : | இலைகள் தனித்தவை, மாற்றுஅடுக்கமானவை, இருநெடுக்கு வரிசையிலையடுக்கம் (டைஸ்டிக்கஸ்); இலையடிச்செதில் முட்டை வடிவானது, 0.7 செ.மீ. நீளமானது, எளிதில் உதிரக்கூடியது; இலைக்காம்பு 0.4-1.0 செ.மீ. நீளமானது, தடித்தது, குறுக்குவெட்டுத் தோற்றத்தில் பிளேனோகான்வக்ஸ், இளம்குருத்து நிலையில் உரோமங்களுடையது; இலை அலகு 12-30 x 5-11 செ.மீ. நீள்சதுர முதல் நீள்வட்ட-நீள்சதுர வடிவானது, அலகின் நுனி குறுகிய அதிக்கூரியது, அலகின் தளம் வட்டமானது, அலகின் விளிம்பு சமமானது அல்லது ஆங்காங்கே பற்களுடையது, உரோமங்களற்றது, கோரியேசியஸ்; மையநரம்பு அலகின் மேற்பரப்பிற்கு சமமானது; இரண்டாம் நிலை நரம்புகள் 6-10 ஜோடிகளுடையது, தடித்தவை; மூன்றாம் நிலை நரம்புகள் தடித்தவை மற்றும் அகன்ற வலைப்பின்னல் போன்றது. |
| மஞ்சரி / மலர்கள் : | மலர்கள் ஓர்பாலானவை, ஈரகம் கொண்டவை, இலைக்கோணங்கள் அல்லது முதிர்ந்த தண்டின் பக்கவாட்டில் கொத்தாக காணப்படுபவை. |
| கனி / விதை : | உள்ளோட்டுத்தசைகனி (ட்ரூப்), கோளவடிவானது, 2.5 செ.மீ. குறுக்களவுடையது, அடர்த்தியான உரோமங்களுடையது, காம்பற்றவை; விதைகள் 2 கொண்டது. |