English Kannada Malayalam Tamil
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
| ಪ್ರಕೃತಿ : | 6ಮೀ ಎತ್ತರದವರೆವಿಗೆ ಬೆಳೆಯುವ ಸಣ್ಣ ಮರಗಳು. |
| ಕಾಂಡ ಮತ್ತು ತೊಗಟೆ : | ತೊಗಟೆಯ ಮೇಲ್ಮೈ ಸೂಕ್ಷ್ಮವಾಗಿ ಸೀಳಿರುತ್ತವೆ. |
| ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ತೆಳುವಾಗಿದ್ದು, ಗುಂಡಾಕಾರದಲ್ಲಿದ್ದು ರೋಮರಹಿತವಾಗಿರುತ್ತದೆ. |
| ಎಲೆಗಳು : | ಎಲೆಗಳು ಸರಳವಾಗಿದ್ದು, ಪರ್ಯಾಯವಾಗಿದ್ದು, ಕಾಂಡದ ಎರಡೂ ಕಡೆ ಎದುರು ಬದರಿನ ಲಂಬಸಾಲಿನಲ್ಲಿರುತ್ತದೆ. ತೊಟ್ಟು 0.5 ರಿಂದ 0.7 ಸೆಂ.ಮೀ. ಉದ್ದವಿದ್ದು ರೋಮರಹಿತ ಅಥವಾ ಅತಿ ಸೂಕ್ಷ್ಮವಾದ ಮೃದು ತುಪ್ಪಳದಿಂದ ಕೂಡಿರುತ್ತದೆ. ಪತ್ರಗಳು 5 - 8 × 1.8 - 3 ಸೆಂ.ಮೀ. ಗಾತ್ರದಲ್ಲಿದ್ದು, ಭರ್ಜಿಯಾಕಾರದವುಗಳಾಗಿದ್ದು ಚೂಪಲ್ಲದ ತುದಿ, ಚೂಪಾದುದರಿಂದ ಹಿಡಿದು ಒಳಬಾಗಿದ ತಳವುಳ್ಳ ಬುಡಭಾಗವನ್ನು ಹೊಂದಿದ್ದು, ಕಾಗದವನ್ನೋಲುವ ಮೇಲ್ಮೈ ಹೊಂದಿದ್ದು ರೋಮರಹಿತವಾಗಿರುತ್ತವೆ; ಮಧ್ಯನಾಳ ಪತ್ರದ ಮೇಲ್ಭಾಗದಲ್ಲಿ ಚಪ್ಪಟೆಯಾಗಿರುತ್ತವೆ. ಎರಡನೇ ದರ್ಜೆಯ ನಾಳಗಳು ಸುಮಾರು 10 ಜೋಡಿಗಳಿದ್ದು ಮೂರನೇ ದರ್ಜೆಯ ನಾಳಗಳು ಸ್ಥೂಲವಾದ ಜಾಲಬಂಧ ನಾಳವಿನ್ಯಾಸದಲ್ಲಿರುತ್ತವೆ. |
| ಪುಷ್ಪಮಂಜರಿ/ಹೂಗಳು : | ಹೂಗಳು ಅತಿಸಣ್ಣ ಹಾಗೂ ಒಂಟಿಯಾಗಿದ್ದು, ಅಕ್ಷಾಕಂಕುಳಿನಲ್ಲಿರುವ ಪುಷ್ಪವೃತ್ತದ ಮೇಲೆ ಗುಚ್ಛಾಕಾರದಲ್ಲಿರುತ್ತವೆ, ಹೂ ತೊಟ್ಟುಗಳು ಮೃದು ತುಪ್ಪಳದಿಂದ ಆವೃತ್ತವಾಗಿದ್ದು 0.5 - 0.6ಸೆಂ.ಮೀ. ಉದ್ದವಿರುತ್ತದೆ. |
| ಕಾಯಿ /ಬೀಜ : | ಕಾಯಿಗಳು ಬೆರ್ರಿಪುಂಜಫಲ ಮಾದರಿಯದಲ್ಲಿದ್ದು ಒಂದು ಪುಂಜಫಲದಲ್ಲಿ ಆ ಬೆರ್ರಿಗಳವರೆಗಿರುತ್ತದೆ, ಉಪ-ಗುಂಡಾಕೃತಿಯನ್ನುಳ್ಳ ಬೆರ್ರಿಗಳು, ದಟ್ಟ ಮೃದು ತುಪ್ಪಳ ಸಮೇತವಾಗಿದ್ದು ಗುಬುಟುಗಳನ್ನು ಹೊಂದಿರುತ್ತವೆ. ಬೆರ್ರಿಗಳು 3ಕ್ಕಿಂತ ಹೆಚ್ಚು ಅನುಕ್ರಮವಾಗಿ ಎರಡು ಸಾಲಿನಲ್ಲಿ ಜೋಡನೆಯಲ್ಲಿರುವ ಬೀಜಗಳನ್ನೊಳಗೊಂಡಿರುತ್ತವೆ. |