மரங்களின் பண்புகள் வாழியல்வு காணப்படும் இடம் தற்போதைய நிலை சான்று ஏடு
| வளரியல்பு : | சிறிய மரம், 6 மீ. உயரம் வரை வளரக்கூடியது. |
| கிளைகள் & சிறிய நுனிக்கிளைகள் : | சிறியநுனிக்கிளைகள் குறுக்குவெட்டுத் தோற்றத்தில் வளையமானது, நுண்ணிய உரோமங்களுடையது. |
| இலைகள் : | இலைகள் தனித்தவை, மாற்றுஅடுக்கமானவை, இருநெடுக்கு_வரிசையிலையடுக்கம் (டைஸ்டிக்கஸ்); இலையடிச்செதில் பக்கவாட்டில் அமைந்தவை, சிறியவை, 0.1 செ.மீ. நீளமானது, நிரந்தரமானது; இலைக்காம்பு 0.3-0.5 செ.மீ. நீளமானது, குறுக்குவெட்டுத் தோற்றத்தில் பிளேனோகான்வக்ஸ், உலரும் போது சுருக்கங்களுடையவை (ருக்கோஸ்), இளம்பருவத்தில் உரோமங்களுடையது; இலை அலகு 7-12 X 2.5-3.3 செ.மீ., குறுகிய நீள்வட்ட வடிவானது முதல் ஈட்டி வடிவானது, அலகின் நுனி நீண்ட அதிக்கூரியது, அலகின் தளம் கூரியது, அலகின் விளிம்பு முழுமையானது, அலகின் கீழ்பரப்பு மெழுகு பூசியது போன்றது அல்லது சாம்பல் கலந்த நீல நிறமானது (க்களாக்கஸ்), உரோமங்களற்றது; மையநரம்பு மேற்புறத்தில் அலகின் பரப்பைவிட பள்ளமானது; இரண்டாம் நிலை நரம்புகள் 6-8 ஜோடிகள்; மூன்றாம் நிலை நரம்புகள் அகன்ற வலைப்பின்னல் போன்றவை. |
| மஞ்சரி / மலர்கள் : | மலர்கள் ஓர் பாலானவை, காம்பற்றது அல்லது மிகச்சிறிய காம்புடையது, இலைக்கோணங்களில் தொகுப்பாகமைந்தவை. |
| கனி / விதை : | வெடிகனி (கேப்சியூல்), 3-அறைகளுடையது, 1.5 செ.மீ. குறுக்களவுடையது; ஒவ்வொரு அறையிலும் 2 விதைகள். |