English   Kannada   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
ಪ್ರಕೃತಿ : | 30 ಮೀ. ಎತ್ತರದವರೆವಿಗೆ ಬೆಳೆಯುವ ಎಲೆಯುದುರು ಮಾದರಿಯ ಮರಗಳು. |
ಕಾಂಡ ಮತ್ತು ತೊಗಟೆ : | ತೊಗಟೆ ಕೆಂಪು ಮಿಶ್ರಿತ ಕಂದು ಬಣ್ಣ ಹೊಂದಿದ್ದು ತೆಳುವಾದ ಹಾಗೂ ಅವ್ಯವಸ್ಥಿತ ಚಕ್ಕೆಗಳ ಸಮೇತವಾಗಿರುತ್ತದೆ;ಕಚ್ಚು ಮಾಡಿದ ಜಾಗ ಕೆಂಪಾಗಿರುತ್ತದೆ. |
ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕಂಬೆಗಳು ದುಂಡಾಗಿದ್ದು,ಸೂಕ್ಷ್ಮ ವಾಯು ವಿನಿಮಯ ರಂಧ್ರ ಸಮೇತವಿದ್ದು, ಬೂದು ಬಣ್ಣದ ಮಖಮಲ್ಲಿನ ರೀತಿಯ ದಟ್ಟ ಮೃದು ತುಪ್ಪಳದಿಂದ ಕೂಟಿರುತ್ತವೆ. |
ಎಲೆಗಳು : | ಎಲೆಗಳು ಸಂಯುಕ್ತ ಮಾದರಿಯವು, ಸಮಸಂಖ್ಯಾ ಗರಿ ರೂಪಿಗಳಾಗಿದ್ದು 12 ರಿಂದ 50 ಸೆಂ.ಮೀ.ಉದ್ದ ಹೊಂದಿದ್ದು ಪರ್ಯಾಯ ಮತ್ತು ಸುತ್ತು ಜೋಡನಾ ವ್ಯವಸ್ಥೆಯಲ್ಲಿದ್ದು ಉಬ್ಬಿದ ಎಲೆ ಬುಡವನ್ನು ಹೊಂದಿರುತ್ತವೆ;ಸಂಯುಕ್ತ ಪರ್ಣದ ನಡು ದಿಂಡು 16 ಸೆಂ ಮೀ. ಉದ್ದವಿದ್ದು ದಟ್ಟ ಮೃದು ತುಪ್ಪಳದಿಂದ ಕೂಡಿರುತ್ತದೆ; ಕಿರುತೊಟ್ಟು0.2 ರಿಂದ 1 ಸೆಂ.ಮೀ. ಉದ್ದವಿರುತ್ತವೆ; ಕಿರುಪತ್ರಗಳು 10 ರಿಂದ 24ಇದ್ದು ಪರ್ಯಾಯ ಅಥವಾ ಉಪ-ಅಭಿಮುಖಿಗಳಾಗಿರುತ್ತವೆ(ಕೆಲವು ವೇಳೆ ಎಳೆಯದಾಗಿದ್ದಾಗ 1 ಅಥವಾ 2 ಜೋಡಿಗಳಿರುತ್ತವೆ) , ಗಾತ್ರ 5--13 X 2.5-6.5 ಸೆಂ.ಮೀ., ಹಲವು ವೇಳೆ ಕೆಳಗಿನ ಕಿರು ಪತ್ರಗಳು ಮೇಲಿನವುಗಳಿಗಿಂತ ಸಣ್ಣದಾಗಿರುತ್ತವೆ,ಸಂಕುಚಿತ ಅಂಡಾಕೃತಿಯಿಂದ ಈಟಿ ಆಕಾರ ಹೊಂದಿದ್ದು, ಸಂಕುಚಿತ ಹಾಗೂ ಕ್ರಮೇಣವಾಗಿ ಚೂಪಾಗುವ ತುದಿ,ಅಸಮ್ಮಿತಿಯಾದ ಬುಡ,ನಯವಾದ ಅಂಚು,ಕಾಗದವನ್ನೋಲುವ ಮೇಲ್ಮೈ ಹೊಂದಿದ್ದು ತಳಭಾಗ ದಟ್ಟ ಮೃದು ತುಪ್ಪಳದಿಂದ ಕೂಡಿರುತ್ತವೆ;ಮಧ್ಯನಾಳ ಪತ್ರದ ಮೇಲ್ಭಾಗದಲ್ಲಿ ಚಪ್ಪಟೆಯಾಗಿರುತ್ತದೆ;ಎರಡನೇ ದರ್ಜೆಯ ನಾಳಗಳು 6 ರಿಂದ 8 ಜೋಡಿಗಳಿದ್ದು ಹಲವು ವೇಳೆ ಕವಲುಗೊಂಡಿರುತ್ತವೆ;ಮೂರನೇ ದರ್ಜೆಯ ನಾಳಗಳು ವಿಶಾಲ ಜಾಲಬಂಧ ನಾಳವಿನ್ಯಾಸ ಹೊಂದಿರುತ್ತವೆ ಅಥವಾ ಅಸ್ಪಷ್ಟವಾಗಿರುತ್ತವೆ. |
ಪುಷ್ಪಮಂಜರಿ / ಹೂಗಳು : | ಪುಷ್ಪಮಂಜರಿ ತುದಿಯಲ್ಲಿದ್ದು ಪುನರಾವೃತ್ತಿಯಾಗಿ ಕವಲೊಡೆಯುವ ಮಾದರಿಯಲ್ಲಿದ್ದು ಬೂದು ಬಣ್ಣದ ಮಖಮಲ್ಲಿನ ರೀತಿಯ ದಟ್ಟ ಮೃದು ತುಪ್ಪಳದಿಂದ ಕೂಡಿರುತ್ತದೆ;ಹೂಗಳು ಕೆನೆ ಬಣ್ಣದವು. |
ಕಾಯಿ / ಬೀಜ : | ಸಂಪುಟ ಫಲ ಗೋಳಾಕಾರದಲ್ಲಿದ್ದು 4 ಸೆಂ.ಮೀ.ವರೆಗಿನ ಅಡ್ಡಳತೆಯನ್ನು ಹೊಂದಿದ್ದು,4 ರಿಂದ 5 ಕೋಶಗಳ ಸಮೇತವಿರುತ್ತದೆ ಹಾಗೂ ರೋಮರಹಿತವಾಗಿರುತ್ತದೆ;ಬೀಜ ಹಲವಾರು ಇದ್ದು ಬುಡದಲ್ಲಿ ವಿಶಾಲವಾದ ರೆಕ್ಕೆ ಸಮೇತವಿರುತ್ತದೆ. |