English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນ ຜັດປ່ຽນໃບ ຫຼື ໃບຂຽວຕະຫຼອດປີ, ເປືອກລຽບ, ມີຊ່ອງອາກາດ, ສີອອກດຳ. ນ້ຳຢາງສີຂາວ ຂຸ້ນ. ໃບດ່ຽວສີຂຽວແກມສີນ້ຳເງິນຢູ່ດ້ານລຸ່ມ. ກ້ານໃບຍາວ, ມີສີອອກ ແດງ ຢູ່ປາຍ ມີຕ່ອມສອງຕ່ອມຈັບຫ້ອຍຢູ່ປາຍ. ດອກສີເຫຼືອງຈືດ, ມີເພດແຍກພາຍໃນຕົ້ນດຽວ. ໝາກເປັນໝາກແຫ້ງໄຂໄດ້ ແບບ ແຄບຊູນ. |
| ປະເພດພືດ : | ໄມ້ຢືນຕົ້ນຜັດປ່ຽນໃບ ຫຼື ໃບຂຽວຕະຫຼອດປີ ຂະໜາດນ້ອຍ ສູງເຖິງ 15 ແມັດ, ເສັ້ນຜ່າກາງລຳຕົ້ນເຖິງ 25 ຊມ. |
| ລຳຕົ້ນ ແລະ ເປືອກ : | ລຳຕົ້ນຊື່. ເປືອກລຽບ, ມີຊ່ອງອາກາດ ແລະ ມີຕູດ, ລຳຕົ້ນສີດຳ. |
| ງ່າ ແລະ ກິ່ງນ້ອຍ : | ກິ່ງງ່າເປັນຮູບທໍ່ກົມ, ກ້ຽງ ບໍ່ມີຂົນ, ມີຊ່ອງອາກາດ, ສີອອກແດງ, ເມື່ອແຫ້ງມີສີອອກດຳ. |
| ທາດແຫຼວທີ່ລະບາຍອອກ : | ບໍ່ໄດ້ສັງເກດ. |
| ໃບ : | ໃບດ່ຽວ, ຈັບສະຫຼັບ ແລະ ກ້ຽວວຽນ, ຂະໜາດ 9-16 x 8.5-14.5 ຊມ, ຮູບໄຂ່, ແຜ່ນໃບມີ 3 ແສກ, ປາຍສ້ວຍແຫຼມ ແລະ ໂຄນໃບມົນ, ຂອບໃບລຽບ, ແຜ່ນໃບຄ້າຍຄືແຜ່ນເຈັ້ຍ, ກ້ຽງ ບໍ່ມີຂົນ, ມີຕ່ອມສອງຕ່ອມຮູບຈອກຈັບຫ້ອຍຢູ່ຈຸດ ທີ່ກ້ານໃບຈັບໃສ່ແຜ່ນໃບ, ດ້ານລຸ່ມເປັນສີຂຽວແກມນ້ຳເງິນ, ໃບອ່ອນເປັນສີແດງຈືດໆແກມສີອອກຂຽວ, ກ່າງໃບເປັນສີຂຽວອ່ອນ. ກ່າງກາງດູນຂຶ້ນຢູ່ດ້ານເທິງ, ມີກ່າງ 5 ເສັ້ນອອກທີ່ໂຄນ, ກ່າງຈັບແບບຝາມື, ກ່າງຂັ້ນສອງເປັນແບບຂົນນົກ ແລະ ສະຫຼຽງໃຫ້ກ່າງກາງ, ຂະໜານກັນຫ່າງໆ ແລະ ຢູ່ແຄມໃບບໍ່ຈອດກັນ, ກ່າງຂັ້ນສາມສະຫຼຽງ. ກ້ານໃບ ຍາວ 6.5-7.5 ຊມ, ກ້ຽງ ບໍ່ມີຂົນ, ຢູ່ຕີນ ແລະ ດ້ານເທິງຂອງກ້ານໃບ ມີສີອອກແດງ. ຫູໃບຫຼົ່ນໄວ ປະຮອຍຈັບໄວ້ຕາມກ່ິງ . |
| ຊໍ່ດອກ / ດອກ : | ດອກສີຂາວ, ມີເວີງສີນ້ຳຕານແກມສີອອກແດງຢູ່ໃຈກາງດອກ, ມີກິນຫອມຫຼາຍ, ດອກຈັດເປັນຊໍ່ແຕກແໜງໂດຍມີຊໍ່ຍ່ອຍ ເປັນຊໍ່ດອກ ແບບກະຈຸກ. ດອກເພດແມ່ນ້ອຍກວ່າດອກເພດຜູ້. ກ້ານດອກຍາວ ກວ່າ 0.5 ຊມ. |
| ໝາກ : | ໝາກແຫ້ງແຕກເອງໄດ້ແບບແຄບຊູນ, ລຽບ, ກ້ຽງ ບໍ່ມີຂົນ, ຮູບເກືອບກົມ, ຂະໜາດ 3 x 4 ຊມ, ມີຮ່ອງ ແລະ ສັນຕາມລວງຍາວ. |
| ແກ່ນ : | ແກ່ນມີ 3 ຫາ 5 ເມັດ. |