English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໃບອ່ອນສີຄຼີມແກມສີອອກແດງ, ກິ່ງງ່າສີອອກແດງ ແລະ ແຕກເປັນແຜ່ນບາງໆ, ກ້ານຂອງຊໍ່ດອກແປເຂົ້າທາງດ້ານຂ້າງ, ໝາກຍັງມີຖ້ວຍກາບດອກ ສີອອກແດງຫຼົງເຫຼືອຢູ່. |
| ປະເພດພືດ : | ໄມ້ຢືນຕົ້ນສູງເຖິງ 30 ແມັດ, ງ່າຕັ້ງຊັນຂຶ້ນທຽບໃສ່ລຳຕົ້ນ. |
| ລຳຕົ້ນ ແລະ ເປືອກ : | ລຳຕົ້ນ ປຸ້ງເລັກນ້ອຍຢູ່ສ່ວນໂຄນ ຫຼື ມີປີກຮາກສັ້ນ. ເປືອກລຽບ ຫາ ມີຮອຍແຕກ ຫຼື ແຕກເປັນແຜ່ນບາງ, ເປືອກສີນ້ຳຕານອົມສີອອກແດງ ຫຼື ສີນ້ຳຕານແກມສີຂີ້ເຖົ່າ, ເປືອກໃນສີອອກບົວ ຫາສີແດງອົມມວ່ງ. ເນື້ອໄມ້ສີນ້ຳຕານອົມເຫຼືອງ ຫາສີຄີມ. |
| ງ່າ ແລະ ກິ່ງນ້ອຍ : | ກິ່ງ ງ່າເປັນຮູບທໍ່ກົມ, ມີເກັດ ແລະ ແຕກເປັນແຜ່ນບາງໆ, ກ້ຽງ ບໍ່ມີຂົນ, ກິ່ງ ງ່າອ່ອນສີອອກແດງ, ເມື່ອແກ່ແລ້ວ ເປັນສີນ້ຳຕານອ່ອນ. |
| ທາດແຫຼວທີ່ລະບາຍອອກ : | ບໍ່ມີທາດແຫຼວລະບາຍອອກ. |
| ໃບ : | ໃບດ່ຽວ, ຈັບພາບ, ໃບແຕ່ລະຄູ່ຈັບສະຫຼັບຕັ້ງສາກ, ຂະໜາດ 4.5-8.7 ຊມ x 2-3.8 ຊມ, ຮູບໃບຫອກ, ຮູບໃບຫອກແກມຮູບຂອບຂະໜານ ຫຼື ຮູບສ້ວຍ ແກມຮູບໄຂ່, ປາຍໃບສ້ວຍແຫຼມເປັນຕິ່ງ ຫຼື ປາຍຍາວເປັນຫາງເລັກນ້ອຍ, ໂຄນໃບ ສ້ວຍມຸມເຫວີ, ຂອບໃບລຽບ, ແຜ່ນໃບຄ້າຍຄືແຜ່ນໜັງ, ທັງສອງດ້ານຂອງໃບກ້ຽງ ບໍ່ມີຂົນ, ໃບອ່ອນສີຄີມແກມສີອອກແດງ, ມີຂົນອ່ອນ ຫ່າງໆ. ກ່າງກາງເປັນຮ່ອງຕາມລວງຍາວ ຢູ່ດ້ານເທິງ, ກ່າງຂັ້ນໜຶ່ງເປັນ ກ່າງດ່ຽວ, ແບບຂົນນົກ, ກ່າງຂັ້ນສອງສະຫຼຽງໃຫ້ກ່າງກາງ, ຂະໜານກັນຖີ່ໆ, ກ່າງຂັ້ນ ສາມແບ່ງແບບເປີດເຂົ້າເບື້ອງໃນ, ມີເສັ້ນກ່າງລຽບຂອບໃບຄູ່. ກ້ານໃບເປັນຮ່ອງ ຕາມລວງຍາວ ແລະ ກ້ຽງ ບໍ່ມີຂົນ. ບໍ່ມີຫູໃບ. |
| ຊໍ່ດອກ / ດອກ : | ດອກສີຂາວ, ບໍ່ມີກ້ານ, ອອກເປັນກຸ່ມໆ ອອກຢູ່ຂ້າງກິ່ງ ແລະ ປາຍຍອດ. ດອກ ມີຂອບຂອງຖ້ວຍກາບດອກສີແດງເດັ່ນ, ກ້ານ ຊໍ່ດອກ ແປເຂົ້າທາງຂ້າງ ແດ່. |
| ໝາກ : | ໝາກເນື້ອມີເມັດ, ຮູບກົມ ຫຼື ຮູບກົມແປເຂົ້າ ທາງດ້ານ ເທິງ, ຂະໜາດ 0.7-0.8 x 0.8-12 ຊມ, ເປືອກລຽບ, ມີຂອບຂອງຖ້ວຍກາບດອກເດັ່ນ. |