English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ລຳຕົ້ນຊື່, ໃບສີຂຽວແກມສີນ້ຳເງິນຢູ່ດ້ານລຸ່ມ, ຫູໃບເປັນຮູບກ່ຽວ ແລະ ມີຂົນອ່ອນ. ໝາກມີຕິ່ງແຫຼມຢູ່ສ່ວນປາຍສຸດ, ມີປີກໃຫ່ຍ ສາມປີກ ແລະ ປີກນ້ອຍ ສອງປີກ ພ້ອມກັບມີເສັ້ນໄຂວ່ ກັນຕາມ ລວງຍາວ ແລະ ລວງຂວາງ. |
| ປະເພດພືດ : | ເປັນໄມ້ຢືນຕົ້ນ ໃບຫລົ່ນຕາມລະດູການ, ສູງເຖິງ 40 ແມັດ, ບາງຄັ້ງ ເສັ້ນຜ່າກາງຂອງຕົ້ນຍາວເຖິງ 100 ຊມ, ງ່າເຕ່ືອຍລົງລຸ່ມ ຫຼື ອອກຕາມເສັ້ນນອນ ທຽບໃສ່ລຳຕົ້ນ. ເຮືອນຍອດຮູບມົນແບບບໍ່ສະໝ່ຳສະເໝີ. |
| ລຳຕົ້ນ ແລະ ເປືອກ : | ລຳຕົ້ນ ຊື່, ເປືອກມີຮອຍແຕເລິກ, ສີນ້ຳຕານແກມສີອອກແດງ ຫາ ສີນ້ຳຕານອແກມສີອອກແດງ, ລວງປາດລຳຕົ້ນທາງຂວາງ ມີສີເຫຼືອງຈືດ ຫາ ສີສົ້ມ. |
| ງ່າ ແລະ ກິ່ງນ້ອຍ : | ງ່າ ແລະ ກິ່ງນ້ອຍ ເປັນທໍ່ກົມ, ມີຂົນ ຢູ່ສ່ວນປາຍ. |
| ທາດແຫຼວທີ່ລະບາຍອອກ : | .ທາດແຫຼວ ທີ່ລະບາຍອອກມີທາດນ້ຳມັນ. |
| ໃບ : | ໃບດ່ຽວ ຈັບສະຫຼັບ ພາຍໃນແຜ່ນພຽງ ດຽວ, ຂະໜາດ 6.5 -12.5 ຊມ x 2.5 - 5 ຊມ, ຮູບໃບຫອກ ແກມຮູບໄຂ່, ປາຍໃບສ້ວຍແຫຼມ, ໂຄນໃບຮຽວແຫຼມ ຫຼື ມົນ, ຂອບໃບລຽບ, ໃບເປັນແຜ່ນແຂງ, ຢູ່ດ້ານລຸ່ມມີຂົນ ອ່ອນນຸ່ມ ແລະ ມີສີຂຽວ ແກມສີນ້ຳເງິນເລກນ້ອຍ, ເມື່ອເວລາແຫ້ງ ເປັນ ສີນ້ຳຕານອົມສີອອກແດງ. ກ່າງກາງ ເປັນຮ່ອງຕາມລວງຍາວຢູ່ດ້ານເທິງ, ກ່າງຂັ້ນໜຶ່ງເປັນເສັ້ນດ່ຽວ, ກ່າງຂັ້ນສອງ ສະຫຼຽງໃຫ້ກ່າງກາງ, ຂະໜານ ກັນຫ່າງໆ, ກ່າງຂັ້ນສາມສະຫຼຽງ. ມີຫູໃບ, ຮູບຄ້າຍກ່ຽວ, ມີຂົນອ່ອນໆ ແລະ ຕົກລົ່ນໄວ, ຢູ່ດ້ານໃນຂອງການໃບ. |
| ຊໍ່ດອກ / ດອກ : | ດອກ ເກືອບບໍ່ມີກ້ານ, ຈັດເປັນຊໍ່ແຕກແໜງ ອອກຢູ່ປາຍສຸດ ແລະ ດ້ານຂ້າງກິ່ງ, ມີ 8 ຫາ 9 ແໜງ, ກ້ານ ຊໍ່ດອກເປັນລ່ຽມ, ມີຂົນອ່ອນນຸ້ມ. |
| ໝາກ : | ແມ່ນໝາກແຫ້ງເປືອກແຂງໄຂບໍ່ໄດ້, ຮູບໄຂ່, ຂະໜາດ 22 x 4 ມມ, ມີຕິ່ງແຫຼມຢູ່ປາຍສຸດ, ໝາກກ້ຽງ ບໍ່ມີຂົນ, ເມື່ອເວລາຍັງອ່ອນອອກສີຂຽວແກມສີອອກເຫຼືອງ, ມີປີກໃຫຍ່ ສາມ ປີກ ກ່ິວເລັກນ້ອຍຢູ່ສ່ວນກົກ ແລະ ມົນຢູ່ປາຍ ແລະ ມີປີກນ້ອຍ ກ່ວາສອງປີກ, ປາຍສ້ວຍແຫຼມ, ທັງສອງປະເພດປີກ ມີກ່າງເສັ້ນບາງໆ ຜ່ານໄ |
| ແກ່ນ : | ມີແກ່ນ 1 ເມັດ. |