English   Lao   
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ມີໝາມແຫຼມເປັນຈຸ້ມໆ ອອກຢູ່ຕາມງ່າ ແລະ ລຳຕົ້ນ, ລຳອອ່ນ ເປັນແຊກໆ, ເນື້ອໄມ້ສີຂາວ. ຊໍ່ດອກອອກຕາມລຳຕົ້ນ ແລະ ກິ່ງງ່າໂດຍກົງ. |
ປະເພດພືດ : | ໄມ້ຢືນຕົ້ນ ຂະໜາດນ້ອຍ ສູງເຖິງ 20 ມ., ງ່າຕັ້ງຊັນຂື້ນທຽບໃສ່ລຳຕົ້ນ ຫລື ງ່າຢຽດຕາມທາງຂວາງຂອງລຳຕົ້ນ. |
ລຳຕົ້ນ ແລະ ເປືອກ : | ລຳຕົ້ນຊື່ ມີໝາມແຫລມຈັດເປັນຈຸ້ມໆຢູ່ຕາມ ລຳຕົ້ນ ຫຼື ຕາມງ່າ. ເປືອກມີຮອຍແຕກເລິກ ສ່ວນລຳອອ່ນເປັນແຊກໆ, ມີ ສີນ້ຳຕານອອ່ນ, ເປືອກໃນມີສີຄີມແກມສີນ້ຳຕານອອ່ນ. |
ງ່າ ແລະ ກິ່ງນ້ອຍ : | ກິ່ງ ງ່າ ມີລັກສະນະແປເລັກນ້ອຍ ຢູ່ບ່ອນຈັບຂອງໃບ ແລະ ເມື່ອຍັງອອ່ນ ມີຂົນອ່ອນໆປົກຄຸມ, ເມືອ່ແກ່ແລ້ວ ຈະກ້ຽງ ບໍ່ມີຂົນ. ກິ່ງງ່າອອ່ນມີໝາມ. |
ທາດແຫຼວທີ່ລະບາຍອອກ : | ບໍ່ມີທາດແຫຼວລະບາຍອອກ. |
ໃບ : | ໃບດ່ຽວ, ອອກສະຫລັບ ແລະ ກ້ຽວວຽນ, ຂະໜາດ, 10-20 X 2.5 -9 ຊມ., ຮູບຣີ ແຄບ ຫາຮູບຣີກ້ວາງ ຫລື ຮູບໄຂ່, ປາຍໃບສ້ວຍແຫລມ, ຫລື ສ້ວຍແຫລມເປັນຕິ່ງສັ້ນ, ໂຄນຮຽວແຫຼມ, ຂອບໃບລຽບ, ແຜ່ນໃບຫຍາບຄືແຜ່ນໜັງ ຫາແຂງ, ດ້ານເທິງຂອງໃບເຫລື້ອມ, ກ້ຽງ ບໍ່ມີຂົນ, ດ້ານລຸ່ມ ມີຂົນຫ່າງໆ ຢູ່ຕາມກ່າງກາງ. ຢູ່ດ້ານເທິງ ກ່າງກາງ ເປັນຮ່ອງຕາມລວງຍາວ, ກ່າງຂັ້ນໜຶ່ງມີເສັ້ນດຽວ ກ່າງຂັ້ນສອງສະຫຼຽງໃຫ້ກ່າງກາງ, ຂະໜານກັນຫ່າງໆ ແລະ ໂຄ້ງຈອດກັນທີ່ຂອບໃບ, ກ່າງຂັ້ນສາມ ບໍ່ເຫັນແຈ້ງປານໃດ. ກ້ານໃບມີຂົນ ປົກຄຸມ. ບໍ່ມີ ຫູໃບ. |
ຊໍ່ດອກ / ດອກ : | ດອກມີຂະໜາດນ້ອຍ ຈັດເປັນຊໍ່ດອກຫ້ອຍ ຊຶ່ງເຕົ້າໂຮມກັນເປັນຈຸ້ມໆ ອີກ, ດອກອອກຕາມລຳ ແລະ ກິ່ງງ່າໂດຍກົງ, ດອກມີເພດຮ່ວມ, ດອກຜູ້ ມີກິ່ນເໝັນ ມີກ້ານດອກສັ້ນ ໃນຂະນະທີ່ ດອກແມ່ ປັດສະ ຈາກກ້ານດອກ. |
ໝາກ : | ໝາກເປັນໝາກເນື້ອມີແກນ ມີຮູບໝາກຈອງ ຫລື ຮູບກົມໜ່ວຍໄຂ່, ຂະໜາດ 1.8-3.5 X 1.3-2.6 ຊມ., ໝາກມີກ້ານ, ອອກສີຂຽວ , ປ່ຽນເປັນສີເຫລືອງ ເມື່ອເວລາສຸກ. |
ແກ່ນ : | ແກ່ນ ມີ 1- 3 ເມັດ, ຮູບກົມ. |