English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໃບມີຮູບຮ່າງຫຼາຍແບບ, ເມື່ອເຕັມແກ່ຈະເປັນຮູບສີ່ລ່ຽມຈ້ວຍ, ຂອບໃບເປັນແຂ້ວເລ່ືອຍ ມີຕ່ອມຢູ່ຕາມແຂ້ວເລ່ືອຍ, ມີຕ່ອມນ້ຳຫວານສອງຕ່ອມຢູ່ໂຄນ ແລະ ຢູ່ດ້ານລຸ່ມຂອງແຜ່ນໃບ . ໝາກມີໝາມ ແລະມີສອງປ່ຽງ. |
| ປະເພດພືດ : | ໄມ້ຢືນຕົ້ນຂຽວຕະຫຼອດປີ ຂະໜາດນ້ອຍ, ສູງ 10 - 15 ແມັດ. ງ່າຕັ້ງຊັນຂຶ້ນ ທຽບໃສ່ລຳຕົ້ນ. |
| ລຳຕົ້ນ ແລະ ເປືອກ : | ເປືອກລຽບ, ສີນ້ຳຕານແຈ້ງ, ເປືອກນອກບາງ, ເປືອກໃນມີສີແດງ. |
| ງ່າ ແລະ ກິ່ງນ້ອຍ : | ງ່າຮຽວຍາວ, ເປັນຮູບທໍ່ກົມ, ມີຂົນນຸ່ມລະອຽດ, ມີສີເງິນຫາ ສີນ້ຳຕານ ແກມສີອອກເຫຼືອງ, ມີຂົນອ່ອນທົ່ວໆ. |
| ທາດແຫຼວທີ່ລະບາຍອອກ : | ທາດແຫຼວທີ່ລະບາຍອອກເປັນສີດຳ. |
| ໃບ : | ໃບດ່ຽວ, ຈັບສະຫລັບ, ຂະໜາດ 7-15 X 5.5-10 ຊມ, ໃບອ່ອນເປັນຮູບໄຂ່, ໃບແກ່ເປັນຮູບສີ່ລ່ຽມຈ້ວຍ, ປາຍໃບມີຫາງຍາວ, ໂຄນໃບມົນ, ຂອບໃບເປັນແຂ້ວ ເລ່ືອຍ ມີຕ່ອມຢູ່ຕາມແຂ້ວເລ່ືອຍ, ດ້ານລຸ່ມມີສີຂຽວແກມ ສີນ້ຳເງີນ ພ້ອມມີຂົນ ຮູບດາວສັ້ນໆສີນ້ຳຕານອົມສີເຫຼືອງ ແລະ ມີຕ່ອມເປັນເມັດໆ, ດ້ານເທິງໃບ ມີຂົນຫ່າງໆ, ບາງຄັ້ງມີຕ່ອມນ້ຳຫວານສອງຕ່ອມຢູ່ໃກ້ກັບຈຸດຈັບຂອງກ້ານໃບ ຊຶ່ງແນມບໍ່ເຫັນແຈ້ງປານໃດ. ກ່າງກາງຮາບພຽງ ຢູ່ດ້ານເທິງ, ມີກ່າງ 3 ເສັ້ນ ອອກທີ່ໂຄນໃບ, ກ່າງຂັ້ນສອງສະຫຼຽງໃຫ້ກ່າງກາງ, ຂະໜານກັນຫ່າງໆ, ກ່າງຂັ້ນສາມສະຫຼຽງ. ກ້ານໃບຮຽວຍາວ, ຍາວ 4 - 5 ຊມ, ມີຂົນອ່ອນນຸ່ມ ລະອຽດ. ຫູໃບ ຕັ້ງຂຶ້ນ ມີຂົນອ່ອນໆ ແລະ ຕົກລົ່ນໄວ. |
| ຊໍ່ດອກ / ດອກ : | ດອກ ແຍກເພດຕ່າງຕົ້ນ, ຈັບຢູ່ຂ້າງກິ່ງ, ສີອອກເຫຼືອງຈືດ, ອອກ ເປັນຊໍ່ແບບຊໍ່ກະຈະ, ມີໃບຊ້ອນ ແລະ ໃບຊ້ອນຍ່ອຍ, ໃບຊ້ອນ ມີແສກເລິກ ແລະ ມີຮູບຮ່າງຄ້າຍຄືໃບ. ກ້ານດອກຍ່ອຍ ຍາວ 5 ມມ. |
| ໝາກ : | ໝາກ ເປັນໝາກແຫ້ງໄຂໄດ້ແບບແຄບຊູນ, ມີສອງບິ້ງ, ຂະໜາດ 1.2 x 0.4 ຊມ, ມີໝາມສັ້ນ, ມີຂົນທີ່ຄັນຄາຍ, ກາບດອກຈັບທົນນານຢູ່ນຳໝາກ. |
| ແກ່ນ : | ແກ່ນຮູບກົມ, ໜັງຊາມື, ມີສີດຳ. |