English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ເປືອກມີຮອຍແຕກເລັກນ້ອຍ, ເສັ້ນຂອງເປຶອກຢັ່ງເຂົ້າໃນເນີ້ອໄມ້. ດອກມີເພດແຍກພາຍໃນຕົ້ນດຽວ, ດອກຜູ້ຈັດເປັນຊໍ່ຢ່ອນຄ້າຍ ຮວງ, ດອກແມ່ບໍ່ມີກ້ານ ຈັດລຽງກັນເປັນຮວງດົກໜາ,ອອກທາງ ຂ້າງ ຫຼື ຢູ່ຕາມກິ່ງເກືອບປາຍໆ. ໝາກເປັນໝາກແຫ້ງ ເປືອກ ແຂງເມັດ ດຽວ (ໝາກກໍ່), ຜົ້ງໝາກຫຸ້ມເອົາ 1/2 ຫາ 2/3 ຂອງໝາກ, ມີຂົນຢູ່ປາຍເລັກນ້ອຍ. |
| ປະເພດພືດ : | ໄມ້ຢືນຕົ້ນ ໃບຂຽວຕະຫລອດປີ ສູງເຖິງ 30 ມ., ມີເສັ້ນລັດສະໝີ 45 -100 ຊມ. ງ່າຕັ້ງຊັນຂື້ນທຽບໃສ່ລຳຕົ້ນ. |
| ລຳຕົ້ນ ແລະ ເປືອກ : | ລຳຕົ້ນຕັ້ງຊື່. ເປືອກລຽບ, ມີຮອຍແຕກເລັກນ້ອຍ, ເປືອກມີສີນ້ຳຕານ ຫລື ສີຂີ້ເຖົ່າ ຫາສີນ້ຳຕານເຂັ້ມ, ເປືອກໃນ ມີສີອອກເຫລືອງ. |
| ງ່າ ແລະ ກິ່ງນ້ອຍ : | ກິ່ງງ່າເປັນຮູບທໍ່ກົມ, ສີນ້ຳຕານ. |
| ທາດແຫຼວທີ່ລະບາຍອອກ : | ບໍ່ມີທາດແຫຼວລະບາຍອອກ. |
| ໃບ : | ໃບດ່ຽວ, ອອກສະຫລັບ ແລະ ກ້ຽວວຽນ, ຂະໜາດ 14-18 X 6-7,5 ຊມ., ຮູບ ຂອບຂະໜານ ຫລື ຮູບຂອບຂະໜານແກມຮູບສ້ວຍ ຫລື ຮູບຂອບຂະໜານປິ້ນ, ປາຍໃບ ສ້ວຍມຸມເຫວີ , ສ້ວຍແຫລມເປັນຕິ່ງ, ກົກໃບສ້ວຍແຫຼມ ຫລື ຮຽວແ;ຼມ, ຂອບໃບລຽບ, ແຜ່ນໃບຫຍາບຄືແຜ່ນໜັງ ຫາ ແຂງ, ໃບອອ່ນມີ ຂົນສັ້ນໆ ປົກຄຸມຢູ່ດ້ານລຸ່ມ, ເມື່ອແກ່ແລ້ວ ກ້ຽງ ບໍ່ມີຂົນ ຢູ່ທັງສອງດ້ານ. ກ່າງກາງ ເປັນ ຮ່ອງຕາມລວງຍາວຢູ່ດ້ານເທິງ, ກ່າງຂັ້ນ ໜຶ່ງມີເສັ້ນດຽວ, ເປັນກ່າງແບບ ຂົນນົກ, ກ່າງຂັ້ນສອງສະຫຼຽງ ໃຫ້ກ່າງກາງ, ຂະໜານກັນຫ່າງໆ, ກ່າງຂັ້ນສາມສະຫຼຽງ. ກ້ານໃບຍາວ ແລະ ກ້ຽງ ບໍ່ມີຂົນ. |
| ຊໍ່ດອກ / ດອກ : | ກ້ານຊໍ່ດອກປົກຄຸມດ້ວຍຂົນສັ້ນ ສີນ້ຳຕານແກມສີອອກເຫຼືອງອ່ອນ. ດອກມີເພດແຍກພາຍໃນຕົ້ນດຽວ, ດອກຜູ້ ຈັດເປັນຊໍ່ຢ່ອນຄ້າຍຊໍ່ດອກ ບໍ່ມີກ້ານ ອອກຢູ່ປາຍກິ່ງ, ດອກແມ່ບໍ່ມີກ້ານ, ຈຸ້ມກັນເປັນຊໍດົກໜາ, ອອກຂ້າງກິ່ງ ຫຼື ຢູ່ປາຍໆ. |
| ໝາກ : | ຊໍ່ໝາກແມ່ນປະເພດຮວງ ຈັດກັນແໜ້ນໜາ, ຜົ້ງໝາກ ບໍ່ມີກ້ານ, ມີ ໃບຊ້ອນດອກເຊື່ອມຕິດກັນ, ສ່ວນຫລາຍ ໝາກຕິດກັນຢູ່ຕີນ ຈຸ້ມລະ 3 ຫາ 5 ໝາກ, ຜົ້ງໝາກ ຫຸ້ມເອົາໝາກໄວ້ 1/2 ຫາ 2/3, ໂດຍທົວ່ໄປ ໃບຊ້ອນດອກ ມີຮູບສາມລ່ຽມ, ແປເຂົ້າ ແລະ ເລ່ືອນເຕັງກັນ, ມີແຕ່ຈຳ ນວນໜ້ອຍໜຶ່ງຊີ້ໄປທຸກທິດ, ໝາກອ່ອນມີສີອອກຂຽວ. ເປັນໝາກແຫ້ງເປືອກແຂງເມັດດຽວ, ຂະໜາດ1.9-2.0 x 1-1.8 ຊມ., ຮູບກົມແປລົງຢູ່ປາຍ ຫາຮູບເກືອບກົມ ຫຼື ຫຼື ຮູບໝາກຂ່າງ. |
| ແກ່ນ : | ແກ່ນມີ 1 ເມັດ. |