English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນຂຽວຕະຫລອດປີ, ເປືອກເປັນເສັ້ນໆ. ໃບດ່ຽວ, ຈັບສະຫຼັບ. ຫູໃບຢູ່ລະຫວ່າງກ້ານໃບ, ເປັນກາບໂອບ ເວລາລົ່ນປະຮອບອ້ອມຮອບກິ່ງ. ດອກມີເພດແຍກ ພາຍໃນຕົ້ນດຽວ. ໝາກເປັນໝາກເນື້ອມີແກນ, ສີແດງອົມສົ້ມ ເວລາສຸກ ແລະ ມີວົງກາບ ແລະ ຄໍເຕົ້າໄຂ່ 2 ອັນຍັງຄົງເຫຼືອ ຢູ່ປາຍໝາກ. |
| ປະເພດພືດ : | ເປັນໄມ້ຢືນຕົ້ນ ໃບຂຽວຕະລອດປີ ສູງເຖິງ 20 ແມັດ, ເສັນຜ່າກາງຂອງລຳຕົ້ນລະດັບເອິກ ປະມານ 25 ຊັງຕີແມັດ. ມີຮາກພຶງ |
| ລຳຕົ້ນ ແລະ ເປືອກ : | ລຳຕົ້ນ ເປັນທໍ່ກົມ, ເປືອກລຽບ ຫາເປືອກມີຮອຍແຕກຕາມລວງຍາວ ຢ່າງລະອຽດ, ສີຂີ້ເຖົ່າ, ເປືກໃນ ເປັນເສັ້ນໃຍ, ສີສົ້ມອົມສີອອກເຫຼືອງ, ມອກໄມ້ສີເຫລືອງອ່ອນ, ມີຊ່ອງອາກາດ. |
| ງ່າ ແລະ ກິ່ງນ້ອຍ : | ກິ່ງງ່າເປັນທໍ່ກົມ, ກ້ຽງ ບໍ່ມີຂົນ. ກິ່ງນ່ອຍມີ ຕາຍອດຮູບສາມລ່ຽມ ຢູ່ປາຍ. |
| ທາດແຫຼວທີ່ລະບາຍອອກ : | ບໍ່ມີທາດແຫຼວລະບາຍອອກ |
| ໃບ : | ໃບດ່ຽວ, ຈັບສະຫລັບ, ແຜ່ນໃບຮູບຮີ, ຂະຫນາດ 5-15 x 2-7 ຊມ., ປາຍໃບສ້ວຍ ແຫລມເປັນຕິ່ງ, ກົກໃບສ້ວຍແຫລມ ແລະ ບ້ຽວ, ຂອບໃບລຽບຢູ່ກົກໃບຫາກາງ ໃບ, ຢູ່ສ່ວນປາຍ ຂອບໃບເປັນແສກແຂ້ວເລ່ືອຍຖ່ີແລະ ມີຈຸດ ຄ້າຍຄືຕ່ອມຈັບຕາມ ແຄມໃບ. ໃບອ່ອນມີສີອອກນ້ຳຕານ, ກ້ຽງ ບໍ່ມີຂົນທັງສອງດ້ານ, ແຕ່ມີຂົນປົກຄຸມ ຢູ່ບໍລິເວນກ່າງກາງ ແລະ ກ່າງຂັ້ນສອງ ຢູ່ດ້ານລຸ່ມໃບ. ກ່າງຂັ້ນໜຶ່ງເປັນ ເສັ້ນ ດ່ຽວ, ກ່າງຂັ້ນສອງສະຫຼຽງໃຫ້ກ່າງກາງ, ມີ 9-12 ຄູ່, ກ່າງຂັ້ນສາມສະຫຼຽງ. ກ້ານໃບຍາວ 5-10 ມມ, ມີຂົນປົກຄຸມ. ຫູໃບເລ່ືອນເຕັງກັນ ແລະ ຫຸ້ມເອົາຕາຍອດ ທີ່ຢູ່ປາຍ, ປະຮອຍໃບອ້ອມຮອບຂໍ້ຢູ່, ຫູໃບມີຂົນ. |
| ຊໍ່ດອກ / ດອກ : | ດອກຈັດ ເປັນຊໍ່ດອກມີກ້ານ, ອອກຢູ່ຂດ້ານຂ້າງກິ່ງ, ຍາວປະມານ 6 ຊມ, ມີຂົນປົກຄຸມ, ກ້ານດອກຍ່ອຍສັ້ນ ປະມານ 3 ມມ, ດອກຜູ້ ແລະ ດອກແມ່ມີສີຂຽວແກມສີອອກເຫລືອງ. |
| ໝາກ : | ໝາກເນື້ອມີແກນ, ຮູບກົມສ້ວຍ ຫາ ຮູບໄຂ່, ສີຂຽວແກມສີອອກເຫລືອງ, ຜິວກ້ຽງ ບໍ່ມີຂົນ, ເສັ້ນຜ່າກາງປະມານ 0.5 ຊມ, ກາບດອກ ແລະ ຄໍເຕົ້າໄຂ່ 2 ອັນ ທົນນານ ຢູ່ປາຍຂອງໝາກ. |
| ແກ່ນ : | ມີພຽງເມັດດຽວ. |