English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນຜັດປ່ຽນໃບ.ກິ່ງງ່າຮູບ 4 ລ່ຽມ, ຕາດອກ ມີສີດຳ. ໃບປະສົມປາຍຄີກ. ໃບ ແລະ ໃບຍ່ອຍ ຈັບພາບ, ບິ້ງໃບ 3 ຄູ່, ແຄມໃບເປັນແຂ້ວເລ່ືອຍ. ຊໍ່ດອກ ອອກຢູ່ປາຍ, ດອກສີຂາວ, ມີເພດດ່ຽວຢູ່ຕ່າງຕົ້ນ. ໝາກແມ່ນແຫ້ງໄຂບໍ່ໄດ້ມີປີກ. |
| ປະເພດພືດ : | ໄມ້ຢືນຕົ້ນ ຜັດປ່ຽນໃບໄລຍະສັ້ນໆ ສູງເຖິງ 25 ມ. |
| ລຳຕົ້ນ ແລະ ເປືອກ : | ລຳຕົ້ນຊື່, ບາງຄັ້ງ ກໍ່ເນີ້ງ, ເປືອກມີສີນ້ຳຕານຊ້ຳ, ມີຮອຍແຕກເລິກ. |
| ງ່າ ແລະ ກິ່ງນ້ອຍ : | ກິ່ງງ່າຮູບສີ່ລ່ຽມ, ກ້ຽງ ບໍ່ມີຂົນ, ໄຄ່ທ່ີຂໍ້. |
| ທາດແຫຼວທີ່ລະບາຍອອກ : | ບໍ່ມີທາດແຫຼວລະບາຍອອກ. |
| ໃບ : | ໃບປະສົມ ແບບຂົນນົກປາຍຄີກ , ຈັບພາບກັນ, ບິ້ງໃບເປັນຮູບໄຂ່ ຫາຮູບຮີ, ປາຍໃບສ້ວຍແຫຼມເປັນຕິ່ງຫາເປັນຫາງຍາວ, ຖານໃບສ້ວຍແຫຼມ, ຂອບໃບ ເປັນແຂ້ວເລ່ືອຍຖີ່ໆ. ກ່າງກາງຮາບພຽງຢູ່ດ້ານເທິງ, ກ່າງຂັ້ນສອງ ສະຫຼຽງ ມຸມເຫວີ, ຂະໜານກັນຫ່າງໆ, ກ່າງຂັ້ນສາມຈັດເປັນຕາໜ່າງ. ບໍ່ມີ ຫູໃບ. |
| ຊໍ່ດອກ / ດອກ : | ດອກ ມີຈຳນວນຫຼາຍ, ຈັດລຽງເປັນຊໍ່ດອກ ຊຶ່ງອອກຢູ່ປາຍຍອດ, ດອກອອກພ້ອມໆກັບໃບອ່ອນ, ດອກມີ ເພດດຽວ, ຕ່າງຕົ້ນ, ກ້ານດອກ ຍາວບໍ່ເກີນ 0.3 ເຊັນ. |
| ໝາກ : | ໝາກແຫ້ງໄຂບໍ່ໄດ້ມີປີກ, ຍາວເຖິງ 3.5 ຊມ, ມີ ປີກຢູ່ສົ້ນໜຶ່ງ. |
| ແກ່ນ : | ແກ່ນ ມີ 1 ເມັດ. |