English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນໃບຫຼົ່ນຕາມລະດູການ, ລຳຕົ້ນມີຮາກພຶງ, ເປືອກລຽບ. ກິ່ງງ່າອ່ອນມີຂົນ ນຸ້ມ ສີນ້ຳຕານ. ທາດແຫຼວທີ່ລະບາຍອອກໜຽວ, ເປັນນ້ຳ, ສີຂາວແກມສີອອກເຫຼືອງ. ໃບດ່ຽວ, ຈັບສະຫຼັບ. ຫູໃບອອກຢູ່ຈາກສອກຂອງກ້ານໃບ, ເປັນກາບຫູ້ມ. ໝາກເປັນໝາກເດື່ອ. |
| ປະເພດພືດ : | ໄມ້ຢືນຕົ້ນໃບຫຼົ່ນຕາມລະດູການ ສູງເຖິງ 25 ແມັດ. ປາຍຍອດແຜ່ກາງອອກ. |
| ລຳຕົ້ນ ແລະ ເປືອກ : | ລຳຕົ້ນ ມີຮາກພຶງ. ເປືອກລຽບ, ສີແດງອົມສີອອກນ້ຳຕານຈືດ, ມີຮອຍແຕກລະອຽດ, ເປືອກດ້ານໃນໜາປະມານ 0.5 ຊມ, ມີສີອອກເຫຼືອງອ່ອນ, ເນື້ອໄມ້ສີເຫຼືອງ. ມີຕູດນ້ອຍ, ສີນ້ຳຕານອ່ອນ. |
| ງ່າ ແລະ ກິ່ງນ້ອຍ : | ກິ່ງນ້ອຍ ເປັນທໍ່ກົມ, ມີຂົນອ່ອນຍາວ ດົກໜາ ຫາມີຂົນບາງໆ. |
| ທາດແຫຼວທີ່ລະບາຍອອກ : | ທາດແຫຼວໄຫຼອອກມາເປັນນ້ຳໜຽວ, ສີຂາວແກມສີອອກເຫຼືອງ. |
| ໃບ : | ໃບດ່ຽວ, ຈັບສະຫຼັບ, ຮູບຂອບຂະໜານແກມຮູບສ້ວຍ ຫາຮູບໄຂ່, ຂະໜາດ- 6-16 x 3.5-8 ຊມ, ປາຍໃບແຫຼມເປັນຕິ່ງ, ຂ້ອນຂ້າງເປັນຮູບຫົວໃຈເຖິງຮູບມົນ, ຢູ່ດ້ານລຸ່ມ ມີຂົນສີນ້ຳຕານ ຢາຍຕາມກ່າງໃບ, ຂອບໃບລຽບ. ກ່າງກາງໃບຮາບພຽງ, ກ່າງໃບຂັ້ນໜື່ງເປັນກ່າງດ່ຽວ, ກ່າງຂັ້ນສອງມີ 5-9 ຄູ່, ສະຫຼຽງ, ກ່າງຂັ້ນສາມສະຫຼຽງ. ກ້ານໃບຍາວ 1-2 ມມ, ຮູບທໍ່ກົມ, ມີຂົນ. ຫູໃບ ອອກຢູ່ໃນສອກຂອງກ້ານໃບ, ມີຂົນສີນ້ຳຕານ, ລົ່ນໄວ, ເປັນກາບຫຸ້ມ, ມີຮ່ອງຮອຍຂອງຫູໃບເປັນຮູບວົງແຫວນ. |
| ຊໍ່ດອກ / ດອກ : | ຊໍ່ດອກ ໝາກເດື່ອ, ອອກຢູ່ຂ້າງກິ່ງ, ໂດຍປົກກະຕິຈະອອກເປັນຄູ່, ເສັ້ນຜ່າໃຈກາງ 07-1 ຊມ, ກ້ານດອກຍ່ອຍຍາວເຖິງ 1.3 ມມ. ດອກມີເພດແຍກ. |
| ໝາກ : | ໝາກສຸກມີ ສີແດງແກມສີເຫຼືອງ. |
| ແກ່ນ : | ມີເມັດຈຳນວນຫລາຍ. |