English   Lao   
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນ ເປືອກລຳຕົ້ນສີດຳ, ບໍ່ມີນ້ຳຢາງ. ເສັ້ນກ່າງໃບໂຄ້ງ ແລະ ຈອດກັນຢູ່ຂອບໃບຈະແຈ້ງ, ສັງເກດເຫັນຢູ່ນຳໃບແກ່ ເທົ່ານັ້ນ. ດອກມີເພດແຍກຕ່າງຕົ້ນ. ກາບດອກມີ 3 ກາບ ອອກ ສີຂຽວ ກາບທົນນານຢູ່ນຳໝາກ. |
ປະເພດພືດ : | ເປັນໄມ້ຟຸ່ມ ຫລື ໄມ້ຢືນຕົ້ນ ຂະໜາດນ້ອຍ, ໃບຂຽວຕະລອດປີ, ສູງເຖິງ 12 ມ. ງ່າ ຕັ້ງຊັນຂື້ນ ທຽບໃສ່ລຳຕົ້ນ. |
ລຳຕົ້ນ ແລະ ເປືອກ : | ລຳຕົ້ນຕັ້ງຊື່. ເປືອກເປັນເກັດໆ , ມີສີອອກດຳ, ມີຊ່ອງອາກາດ. |
ງ່າ ແລະ ກິ່ງນ້ອຍ : | ງ່ານ້ອຍ ແລະ ກິ່ງ ບໍ່ມີໝາມ, ຮູບທໍ່ກົມ, ກ້ຽງບໍ່ມີຂົນ, ເມື່ອຍັງອ່ອນ ມີຂົນອ່ອນປົກຄຸມເລັກນ້ອຍ. |
ທາດແຫຼວທີ່ລະບາຍອອກ : | ບໍ່ມີທາດແຫຼວລະບາຍອອກ. |
ໃບ : | ໃບດ່ຽວ, ຈັບສະຫລັບ ພາຍໃນແຜ່ນພຽງດຽວ, ຂະໜາດ 3-11 X 1.5 -7 ຊມ., ຮູບຂອບຂະໜານ, ຫຼື ຮູບສ້ວຍ ຫຼື ຮູບໄຂ່ປີ້ນ, ປາຍໃບສ້ວຍແຫຼມ, ຖານໃບຮຽວແຫຼມ ຫຼື ມົນເລັກນ້ອຍ, ຂອບໃບລຽບ, ແຜ່ນໃບຫຍາບຄືແຜ່ນໜັງ, ທັງສອງດ້ານ ກ້ຽງ ບໍ່ມີຂົນ. ກ່າງກາງຮາບພຽງຢູ່ດ້ານເທິງ, ກ່າງ ຂັ້ນໜຶ່ງ ມີເສັ້ນດຽວ, ກ່າງຂັ້ນສອງ ສະຫຼຽງ ໃຫ້ກ່າງກາງ, ຂະໜານກັນຫ່າງໆ, ກ່າງ ຂັ້ນສາມສະຫຼຽ . ກ້ານໃບມີຂົນອ່ອນ ປົກຄຸມ ແລະ ເມື່ອແກ່ແລ້ວ ມີຂົນຫ່າງໆ. ບໍ່ມີ ຫູໃບ. |
ຊໍ່ດອກ / ດອກ : | ດອກມີເພດແຍກຕ່າງຕົ້ນ, ດອກຜູ້ ຈັດເປັນຊໍ່ແບບກະຈຸກ, ບໍ່ມີກ້ານ ດອກ ຫຼື ເກືອບມີກ້ານ. ດອກເພດແມ່ເປັນດອກດ່ຽວ, ຫາຍາກທີ່ຈະ ໂຮມເປັນຊໍ່ກະຈຸກ. ກ້ານດອກສັ້ນກວ່າ 0.5 ຊມ. |
ໝາກ : | ໝາກຄ້າຍໝາກເນື້ອ, ຮຸບສ້ວຍ ຫາຮູບກົມ, ມີຂະໜາດ 1-1.5 X 0.5-1 ຊມ, ໝາກອອ່ນມີສີຂຽວ, ແຂງຄືເນື້ອໄມ້ ແລະ ກ້ຽງບໍ່ມີຂົນ ເວລາແກ່ແລ້ວ, ກາບດອກ 3 ກາບ ທົນນານຢູ່ກັບໝາກ. |
ແກ່ນ : | ແກ່ນ ມີ 1 ຫາ 3 ເມັດ, ຫາຍາກທີ່ມີ ຮອດ 6 ເມັດ. |