English   Lao   
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ເນື້ອໄມ້ສີແດງອອກດຳ. ໃບປະສົມປາຍຄີກ, ກ້ານໃບໄຄ່ທ່ີໂຄນ, ໃບຍ່ອຍກ້ຽງບໍ່ມີຂົນ, ດ້ານລຸ່ມເປັສີຂຽວແກມນ້ຳເງິນ. ຊໍ່ດອກ ຈັບຢູ່ປາຍຍອດ ຫຼື ຈັບຢູ່ກາງກິ່ງເກືອບຍອດ, ດອກຮູບດອກຖົ່ວ ສີຂາວ. ໝາກເປັນຝັກ ຮູບແຂບ, ແປ, ກ້ານຍາວ, ບໍ່ແຕກອອກເວລາສຸກ. |
ປະເພດພືດ : | ໄມ້ຢືນຕົ້ນຂະໜາດໃຫຍ່ ໃບລົ່ນຕາມລະດູການ, ສູງເຖິງ 30 ແມັດ, ເສັ້ນຜ່າກາງ 60-80 ຊມ. ງ່າຕັ້ງຊັນຂຶ້ນ ທຽບໃສ່ລຳຕົ້ນ. |
ລຳຕົ້ນ ແລະ ເປືອກ : | ລຳຕົ້ນຕັ້ງຊື່. ເປືອກລຽບ, ເປັນເສັ້ນໄຍ, ເປັນເກັດໆເວລາແກ່ໄປນຳ, ສີນ້ຳຕານ ເຖິງສີ ນ້ຳຕານ ແກມສີຂີ້ເຖົ່າ, ຊົງພຸ່ມໜາແໜ້ນ. ເນື້ອໄມ້ແຂງ, ສີແດງອອກດຳ, ຕໍ່ມາເວລາ ແກ່ເປັນສີອອກດຳ. |
ງ່າ ແລະ ກິ່ງນ້ອຍ : | ກິ່ງງ່າຮູບທໍ່ກົມ, ກ້ຽງ ບໍ່ມີຂົນ, ສີນ້ຳຕານອ່ອນ, ມີຮອຍແຕກຊ່ອງອາກາດແໜ້ນໜາ. |
ທາດແຫຼວທີ່ລະບາຍອອກ : | ບໍ໋ມີທາດແຫຼວໄຫຼອອກ. |
ໃບ : | ໃບປະສົມ, ຂົນນົກປາຍຄີກ, ຈັບແບບສະຫຼັບ, ໂຄນກ້ານໃບໄຄ່, ກ້ານກາງຍາວ 13-25 ຊມ, ມີໃບຍ່ອຍ 7-9 ໃບ. ໃບຍ່ອຍຮູບໄຂ່, 3.5-8 x 2-4 ຊມ, ປາຍສ້ວຍແຫຼມ, ໂຄນໃບມົນ, ຂອບໃບລຽບ, ແຜ່ນໃບຄ້າຍຄືໜັງ, ດ້ານລຸ່ມໃບ ມີສີຂຽວແກມນ້ຳເງິນ, ທັງສອງດ້ານຂອງໃບກ້ຽງ ບໍ່ມີຂົນ, ເມື່ອແຫ້ງເປັນສີນ້ຳຕານອ່ອນ ຫຼື ສີ ນ້ຳຕານ ແກມສີອອກແດງ. ກ່າງກາງຢູ່ດ້ານເທິ່ງເປັນຮ່ອງຕາມລວງຍາວເລັກນ້ອຍ, ດ້ານລຸ່ມໃຫຍ່ ເຫັນຊັດ, ກ່າງຂັ້ນສອງສະຫຼຽງໃຫ້ກ່າງກາງ, ຂະໜານກັນຖີ່ໆ ແລະ ໂຄ້ງລຽບແຄມໃບ, ກ່າງຂັ້ນສາມເປັນດ່າງແຫລະອຽດ. ກ້ານໃບຍ່ອຍເປັນຮ່ອງຕາມທາງຍາວ, ກ້ຽງ ບໍ່ມີຂົນ. ມີຫູໃບ, ຫຼົ່ນໄວ. |
ຊໍ່ດອກ / ດອກ : | ດອກອອກເປັນຊໍ່ແບບແຕກແໜງຢູ່ປາຍຍອດ ຫຼື ຢູ່ກາງກິ່ງ, ຍາວ 10-20 ຊມ, ດອກສີຂາວ, ມີກິ່ນຫອມ, ກ້ານດອກຍ່ອຍຍາວ 1 ມມ. |
ໝາກ : | ໝາກເປັນຝັກ, ຮູບແຂບ, ແປ, ຂະໜາດ 4.5-7.5 x 0.8-12 ຊມ, ສີນ້ຳຕານ, ກ້ຽງ ບໍ່ມີຂົນ, ເປືອກບາງ, ກ້ານຍາວ 1-1.2 ຊມ ຢູ່ປາຍສຸດມີຈະງອຍສັ້ນໆ. |
ແກ່ນ : | ແກ່ນມີ 2-4, ຮູບໝາກໄຂ່ຫຼັງ, ສີນ້ຳຕານ ແກມສີອອກແດງ. |