English   Lao   
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ແຄມໃບ ເປັນແຂ້ວເລ່ືອຍຢ່າງຈະແຈ້ງ ແລະ ແຂ້ວເລ່ືອຍແຫຼມ ຍົກເວັ້ນຢູ່ສ່ວນລຸ່ມ. ໝາກ ອອກເປັນຈຸ້ມກັນແໜ້ນໜາ ແລະ ຫຸ້ມດ້ວຍໜາມຍາວ ແລະ ຊ່ື, ໜາມສັ້ນ ແລະ ຍາວຕ່າງກັນ. |
ປະເພດພືດ : | ເປັນໄມ້ຢືນຕົ້ນ ໃບຂຽວຕະຫຼອດປີ, ສູງເຖິງ 20 ແມັດ. ງ່າຕັ້ງຊັນຂຶ້ນ, ໜໍ່ໃໝ່ມີຂົນສີສົ້ມ ແກມສີນ້ຳຕານໃໝ້ຫຸ້ມຢ່າງດົກໜາ. |
ລຳຕົ້ນ ແລະ ເປືອກ : | ລຳຕົ້ນຊ່ື. ເປືອກຂອງຕົ້ນອອກສີນ້ຳຕານໃໝ້ ຫຼື ສີໝົ່ນໝອກ, ມີຮອຍແຕກ ພໍປານກາງ, ເປືອກໄມ້ຊັ້ນໃນເປັນເສັ້ນ, ອອກສີສົ້ມຈືດໆ ຄ່ອຍມີສີຊ້ຳ ເຂົ້າພາຍຫຼັງມາ. |
ງ່າ ແລະ ກິ່ງນ້ອຍ : | ງ່າ ແລະ ກິ່ງນ້ອຍ ເປັນທໍ່ກົມ ແລະ ມີຂົນບົ່ວທົ່ວໆ ເວລາຍັງອ່ອນ, ງ່າກ້ຽງ ບໍ່ມີຂົນ ພາຍຫຼັງມາ. |
ທາດແຫຼວທີ່ລະບາຍອອກ : | ບໍ່ມີທາດແຫຼວທີ່ລະບາຍອອກ. |
ໃບ : | ໃບດ່ຽວ ຈັບສະລັບ, ຂະໜາດ 11 -15 X 3.5 – 7 ຊມ, ໃບຮູບ ສ້ວຍແກມ ຮູບຂອບຂະໜານ, ປາຍໃບແຫຼມ, ໂຄນໃບປູ້ເລັກນ້ອຍ, ແຄມໃບເປັນແຂ້ວ ເລ່ືອຍແຫຼມ ຍົກເວັ້ນຢູ່ໂຄນ, ໃບກ້ຽງ ບໍ່ມີຂົນ ແລະ ເຫຼື້ອມຢູ່ດ້ານເທິງ, ດ້ານລຸ່ມ ມີຂົນນ້ອຍໆ ສີຄີມອອກສົ້ມດົກໜາ. ກ່າງກາງ ເປັນເສັ້ນດ່ຽວ, ຮາບພຽງ ຢູ່ດ້ານເທິງ, ກ່າງຂັ້ນສອງ ສະຫຼຽງໃຫ້ກ່າງກາງ, ຂະໜານກັນຫ່າງໆ, ກ່າງຂັ້ນສາມ ສະຫຼຽງ. ມີຫູໃບ ແຕ່ລົ່ນໄວ. |
ຊໍ່ດອກ / ດອກ : | ດອກ ມີເພດແຍກ ຈັບຢູ່ພາຍໃນຕົ້ນດຽວ. |
ໝາກ : | ໝາກ ມີຂະໜາດ ລວງຍາວ 2.5 - 4 ຊມ, ສີນ້ຳຕານແ ກມສີສົ້ມ, ອອກເປັນຈຸ້ມແໜ້ນໜາ ແລະ ຫຸ້ມດ້ວຍໜາມ ແຫຼມ ຢ່າງດົກໜາ, ໝາກແຕກ ອອກເອງໄດ້ເວລາແກ່. |
ແກ່ນ : | ມີ ແກ່ນ 3 ຫາ 4 ເມັດ. |