English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ກ່ິງງ່າມີປີກອອກທາງຂ້າງ. ໃບປະສົມ ສອງຂັ້ນ, ກ້ານໃບມີຕ່ອມ. ດອກສີຂາວ. ໝາກເປັນຝັກ ສີແດງ ມີແກ່ນສີດຳ ກ້ຽວເປັນວົງ . |
| ປະເພດພືດ : | ເປັນໄມ້ຢືນຂຽວຕະຫລອດປີ ຂະໜາດນ້ອຍ, ສູງເຖິງ 10 ແມດ. |
| ລຳຕົ້ນ ແລະ ເປືອກ : | ລຳຕົ້ນຊື່ ຫຼື ເອນ, ເປືອກມີສີນ້ຳຕານແກມສີແດງ , ລຳຕົ້ນກ້ຽງ. |
| ງ່າ ແລະ ກິ່ງນ້ອຍ : | ກິ່ງງ່າເປັນລ່ຽມ, ມີສັນເປັນຮູບໂຕ U, ງ່າກ້ຽງບໍ່ມີຂົນ. |
| ທາດແຫຼວທີ່ລະບາຍອອກ : | ບໍ່ມີທາດແຫຼວລະບາຍອອກ. |
| ໃບ : | ໃບປະສົມແບບຂົນນົກຂັ້ນສອງ, ຈັບສະຫຼັບ ແລະ ກ້ຽວວຽນ, ໃບມີຂົນບາງໆ ເຖິງ ດົກໜາ, ມີໃບຍ່ອຍ ຫາ 10 ຄູ່, ມີບິ້ງໃບ 3 ຫາ 12 ຄູ່ ຈັບພາບກັນ, ໃບຍ່ອຍບໍ່ສະ ເໝີ ກັນ ເປັນຮູບດອກຈັນ , ມີເສັ້ນກ່າງໃຫ່ຍຜ່ານຢູ່ສອງມຸມທີ່ຢູ່ກົງ ກັນ, ກ່າງ ໃບຂັ້ນສອງສະຫຼຽງກວ້າງ, ໂຄ້ງຈອດກັນເປັນວົງຢູ່ແຄມ, ກ່າງຂັ້ນສາມ ບໍ່ສາມາດ ເບິ່ງເຫັນໄດ້. ກ້ານໃບໄຄ່ໂພງຂຶ້ນ, ມີຕ່ອມຮູບຖ້ວຍ . ມີຫູໃບ. |
| ຊໍ່ດອກ / ດອກ : | ດອກຈັດເປັນຊໍ່ດອກ ອອກ ຢູ່ປາຍ ຫຼື ຂ້າງຂອງຫຼືບໃບທີ່ຢູ່ເທິງ, ດອກ ມີສອງເພດ, ກ້ານດອກຍ່ອຍຍາວ 1 ເຖິງ 3 ມມ. |
| ໝາກ : | ໝາກຍາວ ເຖິງ 20 ຊມ, ແມ່ນຝັກທີ່ບິດ ເປັນວົງ ສີແດງອອກສົ້ມ ມີແກ່ນສີດຳ . |
| ແກ່ນ : | ມີແກ່ນ 3 ຫາ 8 ແກ່ນ, ແກ່ນສີດຳເຫຼື້ອມ. |