English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນຜັດປ່ຽນໃບ, ເປືອກມີຮອຍແຕກເລິກ. ກິ່ງງ່າອ່ອນ ມີຂົນອ່ອນຫຸ້ມດົກໜາ. ບໍ່ມີທາດແຫຼວໄຫຼອອກ. ກ້ານໃບໜາ ຢູ່ປາຍ ແລະ ມີຕ່ອມ 2 ຕ່ອມຢູ່ປາຍ. ດອກມີເພດແຍກຕ່າງຕົ້ນ, ມີສີອອກຂຽວ. ໝາກແມ່ນໝາກແຫ້ງໄຂໄດ້ແບບແຄບຊູນ. ແກ່ນມີນວນສີສົ້ມຫຸ້ມ. |
| ປະເພດພືດ : | ເປັນໄມ້ຢືນຕົ້ນ ໃບລົ່ນຕາມລະດູການ, ຕົ້ນສູງເຖິງ 10 ແມດ |
| ລຳຕົ້ນ ແລະ ເປືອກ : | ລຳຕົ້ນຊື່, ເປືອກມີສີນ້ຳຕານແກມສີຂີ່ເຖົ່າຫາສີນ້ຳຕານແກມສີແດງ, ມີຮອຍແຕກເລິກ ແລະ ໜາ. |
| ງ່າ ແລະ ກິ່ງນ້ອຍ : | ກິ່ງງ່າກົມມົນ , ມີຂົນສີນ້ຳຕານ ສັ້ນ ແລະ ອ່ອນ. |
| ທາດແຫຼວທີ່ລະບາຍອອກ : | ບໍ່ມີທາດແຫຼວລະບາຍອອກ. |
| ໃບ : | ໃບດ່ຽວ, ຈັບສະຫຼັບ ແລະ ຈັບກ້ຽວວຽນ ຫຼື ຈັບຕາມແຜ່ນພຽງດຽວ, ໃບ ຮູບຂອບ ຂະໜານແກມຮູບສ້ວຍ ຫຼື ເປັນຮູບໄຂ່ປີ້ນແຄບ, ປາຍໃບສ້ວຍມຸມເຫວີ ຫຼື ສ້ວຍ ແຫຼມ , ໂຄນໃບມົນ ຫຼື ສ້ວຍແຫຼມ, ຂອບໃບກ້ຽງ ຫຼື ບາງຄັ້ງຂອບໃບເປັນຄືແຂ້ວກະແຈກກະຈາຍຢູ່. ກ່າງກາງຮາບພຽງຢູ່ດ້ານເທິງ, ກ່າງຂັ້ນສອງສ້ວຍມຸມເຫວີ, ກ່າງຂັ້ນສາມ ຈັດເປັນຕາໜ່າງ. ມີຫູໃບ. ກ້ານໃບໜາຢູ່ທັງສອງສົ້ນ, ມີຕ່ອມ 2 ອັນຢູ່ປາຍສຸດຂອງກ້ານໃບ. |
| ຊໍ່ດອກ / ດອກ : | ດອກຈັດລຽງເປັນຊໍ່ດອກທີ່ອອກຢູ່ດ້ານຂ້າງ, ສ່ວນຫຼາຍຍອດບໍ່ມີໃບ, ດອກມີເພດດຽວ, ຢູ່ຕ່າງຕົ້ນ ກັນ. |
| ໝາກ : | ໝາກມີຂະໜາດ 1 - 0.7 ຊມ, ເປັນຮູບໄຂ່, ມີຖົງຫຸ້ມ, ໝາກແຕກອອກແບບບໍ່ສະເໝີກັນ. |
| ແກ່ນ : | ແກ່ນ ມີ 1 ແກ່ນ, ມີນວນສີສົ້ມ.ປົກຫຸ້ມເມັດຢູ່. |