English   Kannada   Malayalam   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
ಪ್ರಕೃತಿ : | ಸಣ್ಣದಾದ ಎಲೆಯುದುರುವ, 10 ಮೀ ಎತ್ತರದವರೆಗೂ ಬೆಳೆಯುವ ಮರಗಳು. |
ಕಾಂಡ ಮತ್ತು ತೊಗಟೆ : | ತೊಗಟೆಯ ಮೇಲ್ಮೈ ನಯವಾಗಿದ್ದು ಬೂದು ಮಿಶ್ರಿತ ಹಸಿರು ಬಣ್ಣದಲ್ಲಿರುತ್ತದೆ. |
ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ಬೆಂಡು ರೂಪದ ತೊಗಟೆ ಹೊಂದಿದ್ದು ರೋಮರಹಿತವಾಗಿರುತ್ತದೆ. |
ಎಲೆಗಳು : | ಎಲೆಗಳು ಅಸಮ ಸಂಖ್ಯಾ ಗರಿರೂಪ ಸಂಯುಕ್ತ ಮಾದರಿಯಲ್ಲಿದ್ದು ಕುಡಿಕೊಂಬೆಗಳ ತುದಿಗಳಲ್ಲಿ ಗುಂಪಾಗಿರುತ್ತವೆ. ಸಂಯುಕ್ತ ಎಲೆಗಳ ಅಕ್ಷದಿಂಡು 15 ರಿಂದ 30ಸೆಂ.ಮೀ. ಉದ್ದವಿದ್ದು, ಉಬ್ಬು ಸಾಲಿನ ಗುರುತುಗಳನ್ನು ಹೊಂದಿರುತ್ತವೆ. ಅಕ್ಷಾದಿಂಡಿನ ಬುಡ ಉಬ್ಬಿರುತ್ತದೆ ಮತ್ತು ರೋಮರಹಿತವಾಗಿರುತ್ತದೆ. ಕಿರುಎಲೆಗಳು ಅಭಿಮುಖಿಗಳಾಗಿದ್ದು, 3 ರಿಂದ 7 ಜೋಡಿಗಳಿದ್ದು, ಒಂದು ಕಿರು ಎಲೆ ಅಗ್ರಸ್ಥಾನದಲ್ಲಿರುತ್ತದೆ. ಕಿರು ಎಲೆಗಳ ತೊಟ್ಟು 0.2 ಸೆಂ.ಮೀ. ವರೆಗಿನವರೆಗೂ ಉದ್ದವಿದ್ದು ಕಿರುಎಲೆಗಳ ಪತ್ರ 3 - 8 × 1.4 - 3ಸೆಂ.ಮೀ. ಗಾತ್ರದಲ್ಲಿರುತ್ತದೆ; ಕಿರುಎಲೆಗಳ ಪತ್ರಗಳು ಇಕ್ಕಟ್ಟಾದ ಚತುರಸ್ರಾಕಾರದಲ್ಲಿ ಕೆಲವೊಮ್ಮೆ ಅಂಡ-ಚತುರಸ್ರಾಕಾರ ಹೊಂದಿದ್ದು, ಕ್ರಮೇಣ ಚೂಪಾಗುವ ತುದಿ, ಅಸಮರೂಪಿ ಗುಂಡಾಕಾರದ ಬುಡ, ಆಳವಿಲ್ಲದ ಸೂಕ್ಷ್ಮಾದಂತಾಕೃತಿ ಅಂಚು, ತೊಗಲಿನಂತಹ ಮೇಲ್ಮೈ ಹೊಂದಿದ್ದು ರೋಮರಹಿತವಾಗಿರುತ್ತವೆ. ಮಧ್ಯನಾಳ ಪತ್ರಗಳ ಮೇಲ್ಭಾಗದಲ್ಲಿ ಉಬ್ಬಿರುತ್ತದಲ್ಲದೆ ಅಂತರ-ಅಂಚಿನ ನಾಳಗಳ ಸಮೇತವಾಗಿರುತ್ತದೆ. ಎರಡನೇ ದರ್ಜೆಯ ನಾಳಗಳು 8 ರಿಂದ 10 ಇದ್ದು, ತೃತೀಯ ದರ್ಜೆಯ ನಾಳಗಳು ಎಲೆಯ ಅಕ್ಷದ ದಿಕ್ಕಿಗಿರುತ್ತದೆ. |
ಪುಷ್ಪಮಂಜರಿ/ಹೂಗಳು : | ಹೂಗಳು ಸುವಾಸನಾಯುಕ್ತ, ದ್ವಿಲಿಂಗಿ ಹಾಗೂ ಬಿಳಿ ಬಣ್ಣದಾಗಿದ್ದು ತುದಿಯಲ್ಲಿರುವ ಪುನರಾವೃತ್ತಿಯಾಗಿ ಕವಲೊಡೆಯುವ ಪುಷ್ಪಮಂಜರಿಯಲ್ಲಿರುತ್ತವೆ. |
ಕಾಯಿ /ಬೀಜ : | ಕಾಯಿಗಳು ಡ್ರೂಪ್ ಮಾದರಿಯವು, 0.8 × 0.4 ಸೆಂ.ಮೀ. ಅಳತೆಯ ಸಣ್ಣ ಗಾತ್ರದವು ಹಾಗೂ ಒಂದು ಬೀಜವನ್ನೊಳಗೊಂಡಿದ್ದು ದೀರ್ಘ ಚತುರಸ್ರಾಕಾರದಲ್ಲಿರುತ್ತವೆ. |