English   Kannada   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
ಪ್ರಕೃತಿ : | 5 ಮೀ. ಎತ್ತರದವರೆಗಿನ ಸಣ್ಣ ಗಾತ್ರದ ಮರಗಳು. |
ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ತೆಳು, ದುಂಡಾಗಿದ್ದು, ರೋಮರಹಿತವಾಗಿದ್ದು ವಾಯುವಿನಿಮಯ ಬೆಂಡು ರಂಧ್ರಗಳ ಸಮೇತವಿರುತ್ತವೆ. |
ಎಲೆಗಳು : | ಎಲೆಗಳು ಸರಳವಾಗಿದ್ದು ಪರ್ಯಾಯ ಮತ್ತು ಸುತ್ತು ಜೋಡನಾ ವ್ಯವಸ್ಥೆಯಲ್ಲಿದ್ದು ಸಾಮಾನ್ಯವಾಗಿ ತುದಿಯಲ್ಲಿ ಗುಂಪಾಗಿರುತ್ತವೆ; ಎಲೆತೊಟ್ಟುಗಳು 0.5 –1.2 ಸೆಂ.ಮೀ. ವರೆಗಿನ ಉದ್ದವಿದ್ದು,ಕಾಲುವೆಗೆರೆಯನ್ನು ಹೊಂದಿದ್ದು ರೋಮರಹಿತವಾಗಿರುತ್ತವೆ ; ಪತ್ರಗಳು2.5 -10 X 1.3 –5 ಸೆಂ.ಮೀ. ಗಾತ್ರ, ಅಂಡವೃತ್ತ ಅಥವಾ ಬುಗುರಿಯ ಆಕಾರ, ಚೂಪಾದ ಅಥವಾ ಉಪ - ಕ್ರಮೇಣ ಚೂಪಾಗುವ, ಕೆಲವು ವೇಳೆ ಚೂಪಲ್ಲದ ಮಾದರಿಯ ತುದಿ, ಚೂಪಾದ ಬುಡ, ನಯವಾದುದರಿಂದ ಹಿಡಿದು ಸೂಕ್ಷ್ಮ ದಂತಿತವಾದ ಅಂಚನ್ನು ಹೊಂದಿರುತ್ತವೆ,ಪತ್ರಗಳು ಕಾಗದ ಅಥವಾ ತೆಳು-ತೊಗಲನ್ನೋಲುವ ರೀತಿಯ ಮೇಲ್ಮೈ ಹೊಂದಿದ್ದು ರೋಮರಹಿತವಾಗಿರುತ್ತವೆ, ಮಧ್ಯನಾಳ ಕಾಲುವೆ ಗೆರೆಯನ್ನು ಹೊಂದಿರುತ್ತದೆ;ಎರಡನೇ ದರ್ಜೆಯ ನಾಳಗಳು 5- 8 ಜೋಡಿಗಳಿದ್ದು,ತೆಳುವಾಗಿರುತ್ತವೆ ಹಾಗೂ ಕವಲುಗಳ ಸಮೇತವಿರುತ್ತವೆ;ಮೂರನೇ ದರ್ಜೆಯ ನಾಳಗಳು ಸೂಕ್ಷ್ಮ ಜಾಲಬಂಧ ನಾಳ ವಿನ್ಯಾಸದಲ್ಲಿರುತ್ತವೆ, ಕೆಲವು ವೇಳೆ ಅಸ್ಪಷ್ಟವಾಗಿರುತ್ತವೆ. |
ಪುಷ್ಪಮಂಜರಿ / ಹೂಗಳು : | ಪುಷ್ಪಮಂಜರಿಗಳು ತುದಿಯಲ್ಲಿನ,ಕೆಲವು ಹೂಗಳನ್ನೊಳಗೊಂಡ ಮಧ್ಯಾಭಿಸರದ ಮಾದರಿಯವುಗಳಾಗಿರುತ್ತವೆ;ಹೂಗಳು ಹಳದಿ; ತೊಟ್ಟು 1 ಸೆಂ.ಮೀ ವರೆಗಿನ ಉದ್ದ ಹೊಂದಿರುತ್ತದೆ. |
ಕಾಯಿ / ಬೀಜ : | ಸಂಪುಟ ಫಲ ಓರೆಯಾದ 2 ಕವಾಟಗಳನ್ನು ಹೊಂದಿದ್ದು ಅಂದಾಜು 1 ಸೆಂ.ಮೀ. ಅಡ್ಡಗಲತೆಯನ್ನು ಹೊಂದಿರುತ್ತವೆ;ತೊಟ್ಟುಗಳು ನೂಲಿನ ರೀತಿಯಿರುತ್ತವೆ;ಬೀಜಗಳ ಸಂಖ್ಯೆ 4 ರಿಂದ 8. |