English   Kannada   Malayalam   Tamil   
Botanical descriptions Ecology Distribution Literatures
Habit : | 30 മീറ്റര് വരെ ഉയരമുള്ള മരങ്ങള്. |
Trunk & Bark : | മിനുസമാര്ന്ന തവിട്ടു നിറത്തിലുള്ള പുറം തൊലി. |
Branches and Branchlets : | അരോമിലമായ, പരന്നതോ ഏതാണ്ട് ഉരുണ്ടതോ ആയ ഉപശാഖകള്, ഇളംഭാഗങ്ങള് ഫള്വസ് രോമിലമാണ്. |
Leaves : | ഏകാന്തരക്രമത്തില്, സര്പ്പിളമായി, തണ്ടുകളുടെ അറ്റത്ത് കൂട്ടമായി അടുക്കിയ വിധത്തിലുള്ള ഇലകള്, അസമപിച്ഛക ബഹുപത്രങ്ങളാണ്; അനുപത്രങ്ങള് എളുപ്പം കൊഴിഞ്ഞ് വീഴുന്നവയാണ് പത്രവൃന്ത തല്പത്തോടുകൂടിയ, ഇലഞെട്ടിന് 2.5 സെ.മി മുതല് 5.5 സെമി വരെ നീളം; മുഖ്യാക്ഷത്തിന് 6 സെ.മി മുതല് 11 സെ.മി (ചിലപ്പോള് 25 സെ.മി) വരെ നീളം; ഉപസമ്മുഖമായിട്ടുള്ള 7 മുതല് 9 വരെ പത്രങ്ങള്; പത്രഫലകത്തിന് 4.5 സെ.മി മുതല് 10 സെ.മി വരെ നീളവും 2 സെ.മി മുതല് 3.5 സെ.മി വരെ വീതിയും, സാധാരണയായി ദീര്ഘവൃത്തീയ-കുന്താകൃതിയും ചിലപ്പോള് അറ്റത്തുള്ള ഒരെണ്ണം വീതികുറഞ്ഞ അപ അണ്ഡാകാരവ്യമായിരിക്കും, പത്രാഗ്രം ദീര്ഘമോ ചിലപ്പോള് വാലോടുകൂടിയ ദീര്ഘാഗ്രമോ ആണ്, ഇളം മരങ്ങളില് ഇതിന് മുനപ്പില്ലാത്ത അറ്റമായിരിക്കും, പത്രാധാരം നിശിതമാണ്, ഇളം മരങ്ങളില് അരികുകള് തരംഗിതമാണ്, ചര്മ്മില പ്രകൃതം, അരോമിലം; മുഖ്യസിര മുകളില് ചാലുള്ളതും കീഴെ ദൃഢവുമാണ്; ഏതാണ്ട് 7 ജോഡി നേര്ത്ത ദ്വിതീയ ഞരമ്പുകള്, ഇവ മൂത്ത പത്രകങ്ങളില് മിക്കവാറും മുകളില് മുദ്രിതമാണ്; ജാലിതമായിട്ടുള്ള ത്രിതീയ ഞരമ്പുകള്. |
Inflorescence / Flower : | ഇളം പിങ്ക് നിറത്തിലുള്ള പൂക്കള് കക്ഷ്യ റസീമുകളില് ഉണ്ടാകുന്നു. |
Fruit and Seed : | കടും ചുവപ്പ് നിറത്തിലുള്ള ഒറ്റ വിത്തുള്ള കായ, കൊക്കോടുകൂടിയ, വീര്ത്ത, 12 സെ.മി നീളവും 6 സെ.മി വീതിയുമുള്ള ദീര്ഘഗോളാകാര പോഡ് ആണ്. |