ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
| ಪ್ರಕೃತಿ : | 8 ಮೀ ಎತ್ತರದವರೆಗಿನ ಮರಗಳು. |
| ಕಾಂಡ ಮತ್ತು ತೊಗಟೆ : | ಕಾಂಡ ಕವಲುಗೊಂಡ ದೊಡ್ಡ ಮುಳ್ಳುಗಳ ಸಮೇತವಿರುತ್ತದೆ;ತೊಗಟೆ ದಟ್ಟ ಬೂದು ಬಣ್ಣ ಹೊಂದಿದ್ದು, ನಯವಾಗಿರುತ್ತದೆ;ಕಚ್ಚು ಮಾಡಿದ ಜಾಗ ಹಳದಿ ಛಾಯೆ ಹೊಂದಿರುತ್ತದೆ. |
| ಕವಲುಗಳು ಮತ್ತು ಕಿರುಕೊಂಬೆಗಳು : | ಎಳೆಯ ಕಿರುಕೊಂಬೆಗಳು ದುಂಡಾಕಾರ ಹೊಂದಿದ್ದು ರೋಮರಹಿತವಾಗಿರುತ್ತವೆ,ದೊಡ್ಡ ಮುಳ್ಳುಗಳ ಸಮೇತವಿರುತ್ತವೆ. |
| ಎಲೆಗಳು : | ಎಲೆಗಳು ಸಂಯುಕ್ತ ಹಾಗೂ ಅಸಮಗರಿ ರೂಪಿ ಮಾದರಿಯಲ್ಲಿದ್ದು 15 ಸೆಂ.ಮೀ. ವರೆಗಿನ ಉದ್ದವಿದ್ದು ಪರ್ಯಾಯ ಮತ್ತು ಸುತ್ತು ಜೋಡನಾ ವ್ಯವಸ್ಥೆಯಲ್ಲಿರುತ್ತವೆ;ಅಕ್ಷದಿಂಡು ಬುಗುರಿ-ಭರ್ಜಿಯಾಕಾರದ ರೆಕ್ಕೆಗಳ ಸಮೇತವಿರುತ್ತವೆ ಹಾಗೂ ರೋಮರಹಿತವಾಗಿರುತ್ತವೆ; ಉಪಪತ್ರಗಳು 5 ರಿಂದ 7 ಇದ್ದು ಅಭಿಮುಖಿಗಳಾಗಿದ್ದು,ತೊಟ್ಟುರಹಿತವಾಗಿರುತ್ತವೆ, ರೋಮರಹಿತವಾಗಿರುತ್ತವೆ ಮತ್ತು 2 -4.5 X 1 -1.5 ಸೆಂ.ಮೀ ಗಾತ್ರ, ಅಂಡವೃತ್ತದಿಂದ ಬುಗುರಿಯವರೆಗಿನ ಆಕಾರ, ದೀರ್ಘ ಕಚ್ಚುಳ್ಳ ಅಗ್ರದಿಂದ ಕೂಡಿದ ಅಥವಾ ಚೂಪಲ್ಲದ ರೀತಿಯ ತುದಿ,ಚೂಪಾದ ಬುಡ, ಸೂಕ್ಷ್ಮವಾದ ಗರಗಸ ದಂತಿತವಾದ ಮಾದರಿಯ ತುದಿ, ಚೂಪಾದ ಬುಡ,ಸೂಕ್ಷ್ಮ ದುಂಡೇಣುಗಳನ್ನೊಳಗೊಂಡ ಅಥವಾ ಅನಿಯತ ಗರಗಸ ದಂತಿತವಾದ ಅಂಚು, ಮಚ್ಚೆ ರೀತಿಯ ರಸಗ್ರಂಥಿಗಳ ಸಮೇತವಿದ್ದು ರೋಮರಹಿತ -ವಾಗಿರುತ್ತವೆ; ಎರಡನೇ ದರ್ಜೆಯ ನಾಳಗಳು ಅಂದಾಜು 7 ರಿಂದ 10 ಜೋಡಿಗಳಿದ್ದು ಅಂಚಿನ ಬಳಿ ಕುಣಿಕೆಗೊಂಡಿರುತ್ತವೆ;ಮೂರನೇ ದರ್ಜೆಯ ನಾಳಗಳ ಕವಲುಗಳು ಎಲೆಗಳ ಅಕ್ಷದ ಕಡೆಗಿರುತ್ತವೆ. |
| ಪುಷ್ಪಮಂಜರಿ / ಹೂಗಳು : | ಪುಷ್ಪಮಂಜರಿಗಳು ಅಕ್ಷಾಕಂಕುಳಿನಲ್ಲಿನ ಉಪ-ಪೀಠಛತ್ರ ಮಾದರಿಯವು; ತೊಟ್ಟು 1 ಸೆಂ.ಮೀ. ಉದ್ದವಿರುತ್ತದೆ. |
| ಕಾಯಿ / ಬೀಜ : | ಬೆರ್ರಿ ಗೋಳಾಕಾರದಲ್ಲಿರುತ್ತದೆ;ಬೀಜಗಳ ಸಂಖ್ಯೆ 1 ರಿಂದ 4. |