English   Kannada   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
ಪ್ರಕೃತಿ : | ಅಂದಾಜು 10 ಮೀ ಎತ್ತರದವರೆಗಿನ ಸಣ್ಣ ಗಾತ್ರದ ಮರಗಳು. |
ಕಾಂಡ ಮತ್ತು ತೊಗಟೆ : | ತೊಗಟೆ ಕಡು ಕಂದು ಬಣ್ಣ ಹೊಂದಿದ್ದು,ಅನಿಯತವಾಗಿ ಚಕ್ಕೆಯುಕ್ತವಾಗಿರುತ್ತದೆ;ಕಚ್ಚು ಮಾಡಿದ ಜಾಗ ನಸುಗೆಂಪು . |
ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ದುಂಡಾಗಿದ್ದು ಎಳೆಯದಾಗಿದ್ದಾಗ ದಟ್ಟ ಮೃದು ತುಪ್ಪಳದಿಂದ ಕೂಡಿದ್ದು ನಂತರ ರೋಮರಹಿತವಾಗುತ್ತವೆ. |
ಜಿನುಗು ದ್ರವ : | ಸಸ್ಯ ಕ್ಷೀರ ಹಾಲಿನ ಬಿಳಿ ಬಣ್ಣ ಹೊಂದಿದ್ದು ವಿಫುಲವಾಗಿರುತ್ತದೆ. |
ಎಲೆಗಳು : | ಎಲೆಗಳು ಸರಳವಾಗಿದ್ದು ಪರ್ಯಾಯ ಮತ್ತು ಸುತ್ತು ಜೋಡನಾ ವ್ಯವಸ್ಥೆಯಲ್ಲಿರುತ್ತವೆ; ಕಾವಿನೆಲೆಗಳು ಜೋಡಿಯಾಗಿರುತ್ತವೆ,ಪಾರ್ಶ್ವದಲ್ಲಿರುತ್ತವೆ ಮತ್ತು ಉದುರು ಗುರುತುಗಳನ್ನು ಉಳಿಸುತ್ತವೆ; ತೊಟ್ಟು 0.6 – 2 ಸೆಂ.ಮೀ.ವರೆಗಿನ ಉದ್ದವಿದ್ದು,ಅಡ್ಡ ಸೀಳಿದಾಗ ಸಪಾಟ ಪೀನಮಧ್ಯದ ಆಕಾರದಲ್ಲಿರುತ್ತದೆ,ರೋಮರಹಿತವಾಗಿರುತ್ತದೆ; ಪತ್ರಗಳು 7 -25 X 2.5 –6.5 ಸೆಂ.ಮೀ. ಗಾತ್ರ,ಸಾಮಾನ್ಯವಾಗಿ ಬುಗುರಿ ಭರ್ಜಿಯಿಂದ ಬುಗುರಿಯವರೆಗಿನ ಆಕಾರ ಹೊಂದಿದ್ದು,ಕೆಲವು ವೇಳೆ ಸಂಕುಚಿತ ಚತುರಸ್ರದ ಆಕಾರ ಹೊಂದಿರುತ್ತವೆ,ತುದಿ ದುಂಡಾಗಿ ಅಥವಾ ಚೂಪಲ್ಲದ ಮಾದರಿಯಲ್ಲಿದ್ದು, ಬೆಣೆಯಾಕಾರದ ಬುಡ,ನಯವಾದ ಮತ್ತು ಹಿಂಸುರುಳಿಗೊಂಡ ಅಂಚು,ತೊಗಲನ್ನೋಲುವ ಮೇಲ್ಮೈ ಹೊಂದಿದ್ದು, ಮೇಲ್ಭಾಗ ಹೊಳಪನ್ನು ಹೊಂದಿರುತ್ತದೆ;ಮಧ್ಯನಾಳ ಪತ್ರದ ಮೇಲ್ಭಾಗದಲ್ಲಿ ಮೇಲೆದ್ದಿರುತ್ತದೆ; ಎರಡನೇ ದರ್ಜೆಯ ನಾಳಗಳು 15 –25 ಜೋಡಿಗಳಿದ್ದು ಹೆಚ್ಚೂ ಕಡಿಮೆ ಸಮಾಂತರದಲ್ಲಿರುತ್ತವೆ; ಮೂರನೇ ದರ್ಜೆಯ ನಾಳಗಳು ವಿಶಾಲ ಜಾಲ ಬಂಧ ನಾಳ ವಿನ್ಯಾಸದಲ್ಲಿರುತ್ತವೆ. |
ಪುಷ್ಪಮಂಜರಿ / ಹೂಗಳು : | ಹೂಗಳು ಹಳದಿ ಮಿಶ್ರಿತ ಬಿಳಿ ಬಣ್ಣದಲ್ಲಿದ್ದು,ಅಕ್ಷಾಕಂಕುಳಿನಲ್ಲಿನ ಗುಚ್ಛಗಳಲ್ಲಿರುತ್ತವೆ; ತೊಟ್ಟು ಅಂದಾಜು 0.8 ಸೆಂ.ಮೀ. ಉದ್ದವಿರುತ್ತದೆ. |
ಕಾಯಿ / ಬೀಜ : | ಬೆರ್ರಿ ಮಾಂಸಲವಾಗಿದ್ದು ಅಂಡವೃತ್ತದ ಆಕಾರದಲ್ಲಿದ್ದು ಕೊಕ್ಕಿನ ಸಮೇತವಿರುತ್ತದೆ; ಬೀಜದ ಸಂಖ್ಯೆ 1, ಬಣ್ಣ ಕಂದು. |