English Kannada Malayalam Tamil
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
| ಪ್ರಕೃತಿ : | 18 ಮೀ. ಎತ್ತರದವರೆಗಿನ ಮರಗಳು. |
| ಕಾಂಡ ಮತ್ತು ತೊಗಟೆ : | ತೊಗಟೆ ತೆಳು ಹಾಗೂ ನಯವಾಗಿದ್ದು ಚಕ್ಕೆಯುಕ್ತವಾಗಿರುತ್ತದೆ. |
| ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ಜೋತಾಡುವಂತಿದ್ದು ದುಂಡಾಕಾರದಲ್ಲಿದ್ದು, ದಟ್ಟ ಮೃದುತುಪ್ಪಳ ಸಹಿತವಾಗಿರುತ್ತವೆ. |
| ಎಲೆಗಳು : | ಎಲೆಗಳು ಸರಳವಾಗಿದ್ದು, ಪರ್ಯಾಯ ಹಾಗೂ ಸುತ್ತು ಜೋಡನಾ ವ್ಯವಸ್ಥೆಯಲ್ಲಿರುತ್ತವೆ;ಕಾವಿನೆಲೆಗಳು ಉದುರಿಹೋಗುವಂತಹವು;ತೊಟ್ಟುಗಳು ದೃಢ ಹಾಗೂ ದುಂಡಾಗಿದ್ದು 1.3 ಸೆಂ.ಮೀ ಉದ್ದವಿರುತ್ತವೆ ಮತ್ತು ಮತ್ತು ದಟ್ಟವಾದ ಬಿಳಿ ಮೃದು ತುಪ್ಪಳದಿಂದ ಕೂಡಿರುತ್ತವೆ,ಪತ್ರಗಳು 11 - 31 X 2.5 – 7.5 ಸೆಂ.ಮೀ ಗಾತ್ರ, ಸಂಕುಚಿತ ಚತುರಸ್ರಾಕಾರದಿಂದ ಹಿಡಿದು ಚತುರಸ್ರಾಕಾರದವರೆಗಿನ ಆಕಾರ ಹೊಂದಿದ್ದು ಮೊಂಡು ಚೂಪು ಅಥವಾ ಕ್ರಮೇಣ ಚೂಪಾಗುವ ಇಲ್ಲವೆ ಕೆಲವು ವೇಳೆ ದುಂಡಾದ ತುದಿ,ದುಂಡಾದ ಅಥವಾ ಉಪ-ಹೃದಯಾಕಾರದ ಬುಡ, ತೊಗಲು ಅಥವಾ ಉಪ-ತೊಗಲಿನ ಮಾದರಿಯ ಮೇಲ್ಮೈ ಹೊಂದಿರುತ್ತವೆ;ಎರಡನೇ ದರ್ಜೆಯ ನಾಳಗಳು 7-12 ಜೋಡಿಗಳಿದ್ದು ಕ್ರಮೇಣ ಬಾಗಿರುತ್ತವೆ; ಮೂರನೇ ದರ್ಜೆಯ ನಾಳಗಳು ಜಾಲಬಂಧ ನಾಳ ವಿನ್ಯಾಸದಲ್ಲಿದ್ದು ಎಲೆದಿಂಡಿಗೆ ಅಡ್ಡವಾಗಿ ಕೂಡುವಂತವು. |
| ಪುಷ್ಪಮಂಜರಿ/ಹೂಗಳು : | ಪುಷ್ಪಮಂಜರಿಗಳು ಪುನರಾವೃತ್ತಿಯಾಗಿ ಕವಲೊಡೆಯುವ ಮಧ್ಯಾಭಿಸರ ಮಾದರಿಯಲ್ಲಿದ್ದು ದಟ್ಟ ಮೃದುತುಪ್ಪಳದಿಂದ ಕೂಡಿರುತ್ತವೆ;ಹೂಗಳು ಬಿಳಿ ಬಣ್ಣದವು. |
| ಕಾಯಿ /ಬೀಜ : | ಕಾಯಿಗಳು ಕರಟ ಮಾದರಿಯಲ್ಲಿದ್ದು ವೃಧ್ದಿಸಿದ 3 ಕಿರಿದಾದ ಹಾಗೂ 2 ಹಿರಿದಾದ ಪುಷ್ಪಪಾತ್ರೆಯ ಹಾಲೆಗಳ ಸಮೇತವಾಗಿರುತ್ತವೆ ಹಾಗೂ ಒಂದು ಬೀಜವನ್ನೊಳಗೊಂಡಿರುತ್ತವೆ. |