English Kannada Malayalam Tamil
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
| ಪ್ರಕೃತಿ : | 35 ಮೀ. ಎತ್ತರದವರೆಗಿನ ಮರಗಳು. |
| ಕಾಂಡ ಮತ್ತು ತೊಗಟೆ : | ತೊಗಟೆ ಕಂದು ಬಣ್ಣಹೊಂದಿದ್ದು ಶಲ್ಕಾಯುಕ್ತವಾಗಿರುತ್ತದೆ. |
| ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ದುಂಡಗಿದ್ದು, ಎಳೆಯದಾಗಿದ್ದಾಗ ಮೃದುತುಪ್ಪಳ ಸಹಿತವಾಗಿರುತ್ತವೆ. |
| ಎಲೆಗಳು : | ಎಲೆಗಳು ಸರಳವಾಗಿದ್ದು, ಪರ್ಯಾಯ ಹಾಗೂ ಸುತ್ತು ಜೋಡನಾ ವ್ಯವಸ್ಥೆಯಲ್ಲಿರುತ್ತವೆ; ಕಾವಿನೆಲೆಗಳು ಉದುರಿಹೋಗುತ್ತವೆ;ತೊಟ್ಟುಗಳು ಅಂದಾಜು 0.6 ಸೆಂ.ಮೀ.ಉದ್ದವಿರುತ್ತವೆ ಹಾಗೂ ಕೊಂಚ ಕಾಲುವೆಗೆರೆ ಸಮೇತವಾಗಿರುತ್ತವೆ,ಎಳೆಯದಾಗಿದ್ದಾಗ ಮೃದುತುಪ್ಪಳ ಸಹಿತವಾಗಿರುತ್ತವೆ;ಪತ್ರಗಳು 4.5-10 X1.5-3.5 ಸೆಂ.ಮೀ ಗಾತ್ರ, ಭರ್ಜಿ ಅಥವಾ ಸಂಕುಚಿತ ಅಂಡದ ಆಕಾರ,ಸಂಕುಚಿತ-ಚೂಪಾದುದರಿಂದ ಕ್ರಮೇಣ ಚೂಪಾಗುವ ತುದಿ,ದುಂಡಾದುದರಿಂದ ಹಿಡಿದುಉಪ-ಹೃದಯಾಕಾರದ ಬುಡ ಹೊಂದಿದ್ದು ನಯವಾದ ಅಂಚನ್ನು ಹೊಂದಿದ್ದು ತೊಗಲನ್ನೋಲುವ ರೀತಿಯಲ್ಲಿರುತ್ತವೆ, ಅಂಚಿನಲ್ಲಿ ಮತ್ತು ಪತ್ರದ ತಳಭಾಗದಲ್ಲಿನ ಮಧ್ಯನಾಳದ ಮೇಲೆ ಕೆಲವು ಚದುರಿದ ರೋಮಗಳನ್ನು ಹೊರತು ಪಡಿಸಿದರೆ ಪತ್ರಗಳು ರೋಮರಹಿತವಾಗಿರುತ್ತವೆ;ಸಹಜೀವಿ ಗೂಡುಗಳು ಎರಡನೇ ದರ್ಜೆಯ ನಾಳಗಳ ಅಕ್ಷದಲ್ಲಿರುತ್ತವೆ, ಆದರೆ ಎಲ್ಲಾ ಎಲೆಗಳಲ್ಲಿ ಇರುವುದಿಲ್ಲ; ಮಧ್ಯನಾಳಗಳು ಪತ್ರದ ಮೇಲ್ಭಾಗದಲ್ಲಿ ಉಬ್ಬಿರುತ್ತವೆ ;ಎರಡನೇ ದರ್ಜೆಯ ನಾಳಗಳು 5-12 ಜೋಡಿಗಳಿದ್ದು ಪತ್ರದ ಮೇಲ್ಭಾಗದಲ್ಲಿ ಉಬ್ಬಿರುತ್ತವೆ,ತಳಗಿನ ಜೋಡಿ ಅಭಿಮುಖವಾಗಿದ್ದು ನೆರೆಯ ಎರಡನೇ ನಾಳಕ್ಕೆ ಸನಿಹವಾಗಿರುತ್ತದೆ; ಮೂರನೇ ದರ್ಜೆಯ ನಾಳಗಳು ಲಂಬರೇಖೆಗೆ ಸಮಕೋನದಲ್ಲಿದ್ದು, ಸನಿಹವಾಗಿ ಎಲೆದಿಂಡಿಗೆ ಅಡ್ಡವಾಗಿ ಕೂಡುವಂತವು. |
| ಪುಷ್ಪಮಂಜರಿ/ಹೂಗಳು : | ಪುಷ್ಪಮಂಜರಿಗಳು ಪುನರಾವೃತ್ತಿಯಾಗಿ ಕವಲೊಡೆಯುವ ಮಾದರಿಯಲ್ಲಿದ್ದು ಮೃದುತುಪ್ಪಳದಿಂದ ಕೂಡಿರುತ್ತವೆ;ಹೂಗಳು ಬಿಳಿ ಬಣ್ಣದವು. |
| ಕಾಯಿ /ಬೀಜ : | ಕಾಯಿಗಳು ಕರಟ ಮಾದರಿಯಲ್ಲಿದ್ದು ವೃಧ್ದಿಸಿದ ಪುಷ್ಪಪಾತ್ರೆ ಸಮೇತವಿರುತ್ತವೆ ಹಾಗೂ ಒಂದು ಬೀಜವನ್ನೊಳಗೊಂಡಿರುತ್ತವೆ. |