English   Kannada   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
ಪ್ರಕೃತಿ : | 30 ಮೀ. ಎತ್ತರದವರೆಗೆ ಬೆಳೆಯುವ ಹಾಗೂ ಸ್ಪಷ್ಟವಾದ ಬುಡವುಳ್ಳ ದೊಡ್ಡ ಗಾತ್ರದ ಮರಗಳು. |
ಕಾಂಡ ಮತ್ತು ತೊಗಟೆ : | ತೊಗಟೆ ಬೂದು ಬಣ್ಣದಲ್ಲಿದ್ದು ದೊಡ್ಡ ಗಾತ್ರದ ಬೆಂಡು ರೀತಿಯ ವಾಯು ವಿನಿಮಯ ರಂಧ್ರಗಳಿಂದ ದಟ್ಟವಾಗಿ ಆವರಿಸಿರುತ್ತದೆ ಹಾಗೂ;ಕಚ್ಚು ಮಾಡಿದ ಜಾಗ ಹಳದಿ ಮತ್ತು ಬಿಳಿ ಬಣ್ಣದಲ್ಲಿರುತ್ತದೆ. |
ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ಕೋನಯುಕ್ತವಾಗಿರುತ್ತವೆ ಮತ್ತು ಸೂಕ್ಷ್ಮವಾದ ರೋಮಗಳಿಂದ ಕೂಡಿರುತ್ತವೆ. |
ಎಲೆಗಳು : | ಎಲೆಗಳು ಸಂಯುಕ್ತ, ಸಮಗರಿ ರೂಪಿಗಳಾಗಿದ್ದು 30(- 40 )ಸೆಂ.ಮೀ.ವರೆಗಿನ ಉದ್ದವಿರುತ್ತವೆ, ಜೋಡನೆಯಲ್ಲಿ ಪರ್ಯಾಯ ಮತ್ತು ಸುತ್ತು ವ್ಯವಸ್ಥೆ ಮಾದರಿಯಲ್ಲಿದ್ದು ಕುಡಿಕೊಂಬೆಗಳ ತುದಿಯಲ್ಲಿ ಗುಂಪಾಗಿರುತ್ತವೆ ಮತ್ತು ಉಬ್ಬಿದ ಎಲೆ ಬುಡವನ್ನು ಹೊಂದಿರುತ್ತವೆ; ನಡುಕಾಂಡ 17 ರಿಂದ 20 ಸೆಂ.ಮೀ. ಉದ್ದ ವಿದ್ದು ಕೋನಯುಕ್ತವಾಗಿರುತ್ತದೆ; ಕಿರುತೊಟ್ಟುಗಳು 0.5-0.9 ಸೆಂ.ಮೀ. ಉದ್ದವಿರುತ್ತವೆ;ಕಿರುಪತ್ರಗಳು 4 - 5 ಜೋಡಿಗಳಿದ್ದು ಪರ್ಯಾಯ ಅಥವಾ ಉಪ-ಅಭಿಮುಖಿ ರೀತಿಯಲ್ಲಿ ಜೋಡಿತಗೊಂಡಿರುತ್ತವೆ ಮತ್ತು 9 - 22 X 4 - 7 ಸೆಂ. ಮೀ. ಗಾತ್ರ,ಅಂಡವೃತ್ತ - ಈಟಿಯ ಆಕಾರ, ಕ್ರಮೇಣ ಚೂಪಾಗುವ ತುದಿ,ಅಸಮವಾದ ಬುಡ,ನಯವಾದ ಅಂಚು, ಚರ್ಮವನ್ನೋಲುವ ಮೇಲ್ಮೈ ಹೊಂದಿರುತ್ತವೆ; ಮಧ್ಯನಾಳ ಪತ್ರದ ಮೇಲ್ಭಾಗದಲ್ಲಿ ಮೇಲೆದ್ದಿರುತ್ತದೆ; ಎರಡನೇ ದರ್ಜೆಯ ನಾಳಗಳು 12 ರಿಂದ 20 ಜೋಡಿಗಳಿದ್ದು ದೃಢವಾಗಿರುತ್ತವೆ ಹಾಗೂ ರೋಮಸಹಿತವಾದ ಅಕ್ಷಾಕಂಕುಳಿನಲ್ಲಿ ಸಹಸಜೀವಿ ಗೂಡುಗಳ ಸಮೇತವಿರುತ್ತದೆ;ಮೂರನೇ ದರ್ಜೆಯ ಅಸ್ಪಷ್ಟವಾಗಿ ಗೋಚರಿಸುವಂತಹವು ಮತ್ತು ಜಾಲಬಂಧ ನಾಳವಿನ್ಯಾಸದಲ್ಲಿದ್ದು ಎಲೆ ದಿಂಡಿಗೆ ಅಡ್ಡವಾಗಿ ಕೂಡುವಂತವು. |
ಪುಷ್ಪಮಂಜರಿ / ಹೂಗಳು : | ಪುಷ್ಪಮಂಜರಿಗಳು ಪುನರಾವೃತ್ತಿಯಾಗಿ ಕವಲೊಡೆಯುವ ಮಧ್ಯಾಭಿಸರ ಮಾದರಿಯಲ್ಲಿದ್ದು ಎಲೆಗಳಿಗಿಂತ ಗಿಡ್ಡವಾಗಿರುತ್ತವೆ;ಹೂಗಳು ಹಸಿರು ಮಿಶ್ರಿತ ಹಳದಿ ಬಣ್ಣ ಹೊಂದಿದ್ದು ಸುವಾಸನಾಯುಕ್ತವಾಗಿರುತ್ತವೆ. |
ಕಾಯಿ / ಬೀಜ : | ಸಂಪುಟ ಫಲ ಪೇರು ಹಣ್ಣಿನ (ತೊಟ್ಟಿನ ಕಡೆಗೆ ಮೊನಚಾಗುತ್ತಾ ಹೋಗುವ ಆಕಾರ)ಆಕಾರದ ಹೊಂದಿದ್ದು ಗುಬುಟುಗಳ ಸಮೇತವಿದ್ದು 7.6 ಸೆಂ.ಮೀ. ಉದ್ದವಿದ್ದು ಕಳೆತಾಗ ಹಳದಿ ಬಣ್ಣದಲ್ಲಿರುತ್ತದೆ ಮತ್ತು 4 ಉದ್ದನೆಯ ಉತ್ತುಗೆರೆಗಳನ್ನು ಹೊಂದಿರುತ್ತದೆ; ಬೀಜಗಳು 3 ರಿಂದ 4 ಇದ್ದು ಕೆಂಪು ಮಿಶ್ರಿತ ಕಂದು ಬಣ್ಣ ಹೊಂದಿದ್ದು ಮೂರು ಕೋನಗಳ ಸಮೇತವಾಗಿರುತ್ತದೆ. |