English   Kannada   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
ಪ್ರಕೃತಿ : | ದೊಡ್ಡ ಗಾತ್ರದ ಪೊದೆಗಳು ಅಥವಾ 5 ಮೀ ಎತ್ತರದವರೆಗಿನ ಸಣ್ಣ ಗಾತ್ರದ ಮರಗಳು. |
ಕಾಂಡ ಮತ್ತು ತೊಗಟೆ : | ತೊಗಟೆ ಕಂದು ಮಿಶ್ರಿತ ಬೂದು ಸೀಳಿಕಾ ಮಾದರಿಯಲ್ಲಿರುತ್ತದೆ. |
ಕವಲುಗಳು ಮತ್ತು ಕಿರುಕೊಂಬೆಗಳು : | ಎಳೆಯ ಕಿರುಕೊಂಬೆಗಳು ಕೋನಯುಕ್ತದಿಂದ ಉಪ-ದುಂಡಾದವರೆಗಿನ ಆಕಾರ ಹೊಂದಿದ್ದು ಸೂಕ್ಷ್ಮ ಹಗರು ಮೃದುತುಪ್ಪಳವನ್ನು ಹೊಂದಿರುತ್ತವೆ. |
ಎಲೆಗಳು : | ಎಲೆಗಳು ಸರಳವಾಗಿದ್ದು ಪರ್ಯಾಯ ಮತ್ತು ಸುತ್ತು ಜೋಡನಾ ವ್ಯವಸ್ಥೆಯಲ್ಲಿರುತ್ತವೆ ಮತ್ತು ಕುಡಿಕೊಂಬೆಗಳ ತುದಿಯಲ್ಲಿ ಗುಂಪಾಗಿರುತ್ತವೆ;ತೊಟ್ಟುಗಳು ಅಂದಾಜು 0.2 ಸೆಂ.ಮೀ. ಉದ್ದವಿದ್ದು ದೃಢವಾಗಿದ್ದು ಉಬ್ಬಿದ ತಳಬಾಗದ ಸಮೇತವಿರುತ್ತವೆ,ಅಡ್ಡ ಸೀಳಿದಾಗ ಸಪಾಟ ಪೀನ ಮಧ್ಯದ ಆಕಾರ ಹೊಂದಿರುತ್ತವೆ;ಪತ್ರಗಳು 2.5 – 6.5 X 0.5-1.2 ಸೆಂ.ಮೀ. ಗಾತ್ರ, ಸಂಕುಚಿತ ಅಂಡವೃತ್ತದಿಂದ ಭರ್ಜಿ-ಬುಗುರಿವರೆಗಿನ ಮಾದರಿಯ ಆಕಾರ,ಕ್ರಮೇಣ ಚೂಪಾಗುವುದರಿಂದ ಅಗ್ರದಲ್ಲಿ ಮೊನಚು ಮುಳ್ಳನ್ನೊಳಗೊಂಡು ಚೂಪಾದವರೆಗಿನ ತುದಿ,ತಳಬಾಗಕ್ಕೆ ವಿಸ್ತರಿಸಿದ ಬುಡ,ನಯವಾದ ಮತ್ತು ಹಿಂಸುರುಳಿ -ಗೊಂಡ ಅಂಚು, ಹೊಳಪುಳ್ಳ ಮೇಲ್ಭಾಗ ಹೊಂದಿದ್ದು ರೋಮರಹಿತವಾಗಿರುತ್ತದೆ ಮತ್ತು ಅಂಟು ರಸಗ್ರಂಥಿಗಳ ಸಮೇತವಿರುತ್ತವೆ; ಮಧ್ಯನಾಳ ಮೇಲ್ಭಾಗದಲ್ಲಿ ಉಬ್ಬಿರುತ್ತದೆ; ಎರಡನೇ ದರ್ಜೆಯ ನಾಳಗಳು ಅಂದಾಜು 16 ಜೋಡಿಗಳಿರುತ್ತವೆ ಮತ್ತು ಬಹುಮಟ್ಟಿಗೆ ಸಮಾಂತರದಲ್ಲಿರುತ್ತವೆ;ಮೂರನೇ ದರ್ಜೆಯ ನಾಳಗಳು ಕಡಿಮೆ ಅಂತರ ಹೊಂದಿದ್ದು ಜಾಲಬಂಧ ನಾಳ ವಿನ್ಯಾಸದಲ್ಲಿರುತ್ತವೆ. |
ಪುಷ್ಪಮಂಜರಿ / ಹೂಗಳು : | ಪುಷ್ಪಮಂಜರಿಗಳು ಪುನರಾವೃತ್ತಿಯಾಗಿ ಕವಲೊಡೆದ ಮಧ್ಯಾರಂಭಿ ಮಾದರಿಯಲ್ಲಿದ್ದು,7 ಸೆಂ.ಮೀ.ವರೆಗಿನ ಉದ್ದ ಹೊಂದಿರುತ್ತವೆ ಹಾಗೂ ತುದಿಯಲ್ಲಿ ಅಥವಾ ಅಕ್ಷಾಕಂಕುಳಿನ -ಲ್ಲಿರುತ್ತವೆ; ಹೂಗಳು ಸಣ್ಣ ಗಾತ್ರದಲ್ಲಿದ್ದು,ಸಂಕೀರ್ಣ ಲಿಂಗಳಾಗಿರುತ್ತವೆ;ತೊಟ್ಟುಗಳು 0.5 ಸೆಂ.ಮೀ ವರೆಗಿನ ಉದ್ದ ಹೊಂದಿರುತ್ತವೆ. |
ಕಾಯಿ / ಬೀಜ : | ಸಂಪುಟ ಫಲ ತೆಳುವಾದ ಪದರದ ರೀತಿಯಲ್ಲಿದ್ದು,ಸಂಕುಚಿತವಾಗಿದ್ದು 3-ರೆಕ್ಕೆಗಳ ಸಮೇತವಿರುತ್ತವೆ;ಬೀಜಗಳ ಸಂಖ್ಯೆ 1 ರಿಂದ 2 ಇದ್ದು, ಕಪ್ಪು ಬಣ್ಣ ದಲ್ಲಿರುತ್ತವೆ. |