ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
| ಪ್ರಕೃತಿ : | 8 ಮೀ. ಎತ್ತರದವರೆಗಿನ ಸಣ್ಣ ಮರಗಳು. |
| ಕಾಂಡ ಮತ್ತು ತೊಗಟೆ : | ತೊಗಟೆ ಬೂದು ಬಣ್ಣ ಹೊಂದಿದ್ದು ನಯವಾಗಿರುತ್ತದೆ ಮತ್ತು ಹೊಳಪಾಗಿದ್ದು ಉಬ್ಬಿದ ವಾಯುವಿನಿಮಯ ಬೆಂಡು ರಂಧ್ರಗಳಿಂದ ಆವೃತವಾಗಿರುತ್ತದೆ;ಕಚ್ಚು ಮಾಡಿದ ಜಾಗ ಮಾಸಲು ಕಿತ್ತಳೆ ಬಣ್ಣದಲ್ಲಿರುತ್ತದೆ. |
| ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ಉಪ-ದುಂಡಾಗಿದ್ದು ರೋಮರಹಿತವಾಗಿರುತ್ತವೆ ಹಾಗೂ ಬಿಳಿ ಬಣ್ಣ ಹೊಂದಿರುತ್ತವೆ. |
| ಎಲೆಗಳು : | ಎಲೆಗಳು ಸರಳವಾಗಿದ್ದು ಕತ್ತರಿಯಾಕಾರದ ಅಭಿಮುಖ ಜೋಡನಾ ವ್ಯವಸ್ಥೆಯಲ್ಲಿರುತ್ತವೆ ; ಎಲೆತೊಟ್ಟುಗಳು 0.5 ರಿಂದ 1.2 ಸೆಂ.ಮೀ.ಉದ್ದವಿದ್ದು ,ಕಾಲುವೆ ಗೆರೆಯನ್ನು ಹೊಂದಿದ್ದು ರೋಮರಹಿತವಾಗಿರುತ್ತದೆ; ಪತ್ರಗಳು 5-14.5X 2.5-5 ಸೆಂ.ಮೀ. ಗಾತ್ರ, ಅಂಡವೃತ್ತ-ಬುಗುರಿಯ ಆಕಾರ,ಥಟ್ಟನೆ ಕ್ರಮೇಣ ಚೂಪಾಗುವ ಅಥವಾ ಕೆಲವು ವೇಳೆ ದುಂಡಾದ ತುದಿ, ಬೆಣೆಯಾಕಾರದ ಬುಡ, ನಯವಾದ ಅಥವಾ ತುಸುವಾಗಿ ಹಿಂಸುರುಳಿಯಾದ ಅಂಚು, ತೊಗಲನ್ನೋಲುವ ಮೇಲ್ಮೈ ಹೊಂದಿದ್ದು ಮಬ್ಬು ಹಳದಿ ಛಾಯೆಯುಳ್ಳ ಹಸಿರು ಬಣ್ಣದಲ್ಲಿರುತ್ತವೆ ಹಾಗೂ ತಳಭಾಗದಲ್ಲಿ ರೋಮರಹಿತ -ವಾಗಿರುತ್ತವೆ; ಮಧ್ಯನಾಳ ಮೇಲ್ಭಾಗದಲ್ಲಿ ಕಾಲುವೆಗೆರೆ ಸಮೇತವಿರುತ್ತದೆ; ಎರಡನೇ ದರ್ಜೆಯ ನಾಳಗಳು ತೀರಾ ತೆಳುವಾಗಿರುತ್ತವೆ ಮತ್ತು ಹೆಚ್ಚೂ ಕಡಿಮೆ ಸಮಾಂತರ -ದಲ್ಲಿರುತ್ತವೆ ;ಮೂರನೇ ದರ್ಜೆಯ ಮತ್ತು ಮೇಲ್ದರ್ಜೆಯ ನಾಳಗಳು ಅಸ್ಪಷ್ಟ. |
| ಪುಷ್ಪಮಂಜರಿ / ಹೂಗಳು : | ಪುಷ್ಪಮಂಜರಿಗಳು ಕೆಲವು ಹೂಗಳನ್ನೊಳಗೊಂಡ ಮಧ್ಯಾರಂಭಿ ಮಾದರಿಯಲ್ಲಿರುತ್ತವೆ ಅಥವಾ ಅಕ್ಷಾಕಂಕುಳಿನಲ್ಲಿನ ಗುಛ್ಛಗಳ ಮೇಲಿರುತ್ತವೆ;ಪುಷ್ಪಮಂಜರಿ ವೃಂತ ತೆಳುವಾಗಿರುತ್ತವೆ ; ಹೂಗಳು ತೊಟ್ಟುರಹಿತವಾಗಿದ್ದು ಹಳದಿ ಮಿಶ್ರಿತ ಬಿಳಿ ಬಣ್ಣ ಹೊಂದಿರುತ್ತವೆ. |
| ಕಾಯಿ / ಬೀಜ : | ಡ್ರೂಪ್ಗಳು ಅಂಡವೃತ್ತ ಅಥವಾ ಅಂಡಾಕಾರ ಹೊಂದಿದ್ದು 1.5 ಸೆಂ.ಮೀ. ಉದ್ದ ಹೊಂದಿರುತ್ತವೆ; ಬೀಜಗಳ ಸಂಖ್ಯೆ ಒಂದು. |