English Kannada Malayalam Tamil
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
| ಪ್ರಕೃತಿ : | ಮಧ್ಯಮ ಗಾತ್ರದ ಮರಗಳಾಗಿದ್ದು ದೊಡ್ಡ ಗಾತ್ರದ ಅಗ್ರದಲ್ಲಿನ ಕವಲುಗಳಿಂದ ಎರಡನೇ ಶ್ರೇಣಿಯನ್ನು ತಲುಪುತ್ತವೆ. |
| ಕಾಂಡ ಮತ್ತು ತೊಗಟೆ : | ತೊಗಟೆ ತೆಳುವಾಗಿದ್ದು ಹೊಳೆಯುವ ಹೊಟ್ಟು ರೂಪದ ಶಲ್ಕೆಗಳಿಂದ ಆವೃತವಾಗಿದ್ದು ನಂತರ ಶಲ್ಕಾರಹಿತವಾಗುತ್ತವೆ. |
| ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ದುಂಡಾಕಾರದಲ್ಲಿರುತ್ತವೆ ಮತ್ತು ಸಂಯುಕ್ತ ಎಲೆಗಳು ತುದಿಯಲ್ಲಿ ಕೇಂದ್ರೀಕೃತವಾಗಿರುತ್ತವೆ. |
| ಎಲೆಗಳು : | ಎಲೆಗಳು ಸಂಯುಕ್ತಪರ್ಣಿಗಳಾಗಿದ್ದು ಬೆಸ ಸಂಖ್ಯೆಯ ಗರಿರೂಪದಲ್ಲಿರುತ್ತವೆ ಮತ್ತು ಪರ್ಯಾಯ ಮತ್ತು ಸುತ್ತು ಜೋಡನಾ ವ್ಯವಸ್ಥೆಯಲ್ಲಿದ್ದು 50(-90) ಸೆಂ.ಮೀ ಉದ್ದವಿದ್ದು ಕುಡಿ ಕೊಂಬೆಗಳ ತುದಿಯಲ್ಲಿ ಗುಂಪಾಗಿರುತ್ತವೆ;ತೊಟ್ಟುಗಳು 15 ಸೆಂ.ಮೀ. ಅಥವಾ ಹೆಚ್ಚಿನ ಉದ್ದವಿದ್ದು ಬುಡದಲ್ಲಿ ಉಬ್ಬಿಕೊಂಡಿರುತ್ತವೆ;ಅಕ್ಷ ದಿಂಡು 30ಸೆಂ.ಮೀ. ಅಥವಾ ಇನ್ನೂ ಹೆಚ್ಚಿನ ಉದ್ದವಿದ್ದು ಹಲವು ವೇಳೆ ಹೊಟ್ಟು ರೂಪದ ಶಲ್ಕೆಗಳಿಂದ ಕೂಡಿರುತ್ತದೆ; ಕಿರುಎಲೆಗಳು ಅಭಿಮುಖವಾಗಿರುತ್ತವೆ(ಸಸಿಗಳಲ್ಲಿ ಪರ್ಯಾಯದಿಂದ ಉಪ ಅಭಿಮುಖವಾಗಿರುತ್ತವೆ);ಕಿರುಎಲೆಗಳು 4 ರಿಂದ 8 ಜೋಡಿಗಳಿದ್ದು ಮತ್ತು ಒಂದು ಬೆಸ ಸಂಖ್ಯೆಯದಾಗಿರುತ್ತದೆ;ಕಿರುಪತ್ರಗಳು 7-18(22) X 3-6.5(10) ಸೆಂ.ಮೀ. ಗಾತ್ರದಲ್ಲಿದ್ದು ಚತರಸ್ರ-ಭರ್ಜಿಯ ಆಕಾರದಲ್ಲಿದ್ದು ತುಸುವಾದ ಕ್ರಮೇಣವಾಗಿ ಚೂಪಾಗುವ ತುದಿ ಮತ್ತು ಅಸಮ ಪಾರ್ಶ್ವ ಮತ್ತು ಅಸಮವಾದ ಬುಡ ಹೊಂದಿರುತ್ತವೆ ಅಂಚು ನಯವಾಗಿರುತ್ತದೆ;ಮೇಲ್ಮೈ ತೊಗಲನ್ನೋಲುವ ಮಾದರಿಯದಾಗಿದ್ದು ರೋಮರಹಿತವಾಗಿರುತ್ತದೆ;ಕಿರುತೊಟ್ಟುಗಳು 0.4-1 ಸೆಂ.ಮೀ. ಉದ್ದವಿರುತ್ತವೆ; ಮಧ್ಯನಾಳ ಮೇಲ್ಭಾಗದಲ್ಲಿ ತುಸು ಮೇಲೆದ್ದಿರುತ್ತದೆ ಮತತು ತಳಭಾಗದಲ್ಲಿ ಉತ್ಕ್ರುಷ್ಟವಾಗಿರುತ್ತದೆ;ನಾಳ ವಿನ್ಯಾಸ “ಯೂಕ್ಯಾಂಪ್ಟೋಡ್ರೋಮಸ್” ಮಾದರಿಯಲ್ಲಿರುತ್ತದೆ ಕೆಲವು ವೇಳೆ ಕುಣಿಕೆಗಳು ಪ್ರಮುಖವಾಗಿದ್ದು “ಕ್ಯಾಂಪ್ಟ್ರೋಡ್ರೋಮಸ್”ಮಾದರಿಯವುಗಳಾಗುತ್ತವೆ; ಎರಡನೇ ದರ್ಜೆಯ ನಾಳಗಳು ತೆಳುವಾಗಿದ್ದು ಸಡಿಲವಾದ ಜಾಲಬಂಧ ನಾಳ ವಿನ್ಯಾಸದಲ್ಲಿರುತ್ತವೆ;ಉನ್ನತ ದರ್ಜೆಯ ನಾಳಗಳು ಪ್ರಮುಖವಾಗಿರುವುದಿಲ್ಲ ಆದರೆ ಕವಲುಗೊಂಡಿರುತ್ತವೆ. |
| ಪುಷ್ಪಮಂಜರಿ/ಹೂಗಳು : | ಪುಷ್ಪಮಂಜರಿಗಳು ಅಕ್ಷಾಕಂಕುಳಿನಲ್ಲಿನ ಪುನರಾವೃತ್ತಿಯಾಗಿ ಕವಲೊಡೆಯುವ ಮಧ್ಯಾಭಿಸರ ಮಾದರಿಯಲ್ಲಿದ್ದು ಎಲೆಗಳಿಗಿಂತ ಚಿಕ್ಕದಾಗಿ ಅಥವಾ ಸಮನಾಗಿರುತ್ತವೆ; ಹೂಗಳು ಬಹುಕೋನಗಳನ್ನು ಹೊಂದಿರುತ್ತವೆ ಮತ್ತು ಮೊಗ್ಗುಗಳು ಗೋಳಾಕಾರ -ದಲ್ಲಿರುತ್ತವೆ. |
| ಕಾಯಿ /ಬೀಜ : | ಸಂಪುಟ ಫಲಗಳು 3 ಸೆಂ.ಮೀ.ವರೆಗಿನ ಅಡ್ಡಗಳತೆ ಹೊಂದಿದ್ದು ಉಪಗೋಳಾಕಾರ-ದಲ್ಲಿದ್ದು ತೊಗಲನ್ನೋಲುವ ಮೇಲ್ಮೈ ಹೊಂದಿದ್ದು ತೆಳು ಹಳದಿ ಅಥವಾ ಕೆಂಪು ಬಣ್ಣದಲ್ಲಿರುತ್ತವೆ ಹಾಗೂ 3 ಕೋಶಗಳನ್ನೊಳಗೊಂಡಿರುತ್ತವೆ. |