English   Kannada   Malayalam   Tamil   
மரங்களின் பண்புகள் வாழியல்வு காணப்படும் இடம் சான்று ஏடு
வளரியல்பு : | மரங்கள், தாங்கு வேர்கள் (பட்ரஸ்டு) கொண்டவை, 30 மீ. உயரம் வரை வளரக்கூடியது. |
தண்டு மற்றும் மரப்பட்டை : | மரத்தின் பட்டை வெளிறிய ப்ரவுன் நிறமானது, பெரிய செதில்களாக உதிருபவை; உள்பட்டை கிரீம் நிறமானது. |
கிளைகள் & சிறிய நுனிக்கிளைகள் : | சிறிய நுனிக்கிளைகள் குறுக்குவெட்டுத் தோற்றத்தில் வளையமானது, மஞ்சள் கலந்த ப்ரவுன் நிறமான லெப்பிடோட் செதில்களுடையது. |
சாறு : | தண்டு வெட்டப்படும் போது குறைந்தளவு வெள்ளை நிறமான பால் போன்ற திரவத்தை சுரக்ககூடியது. |
இலைகள் : | கூட்டிலைகள், ஒற்றைபடை சிறகுவடிவக்கூட்டிலை, மாற்றுஅடுக்கமானவை, சுழல் போல் அமைந்தவை; மத்திய காம்பு (ராக்கிஸ்) 6-26 செ.மீ. நீளமானது, பல்வினேட், மஞ்சள் கலந்த ப்ரவுன் நிறமான லெப்பிடோட் செதில்களுடையவை; சிற்றிலைக்காம்பு 1 செ.மீ. நீளமுடையது; சிற்றிலைகள் 5-7, எதிரடுக்கமானவை அல்லது கிட்டதட்ட எதிரடுக்கமானவை அல்லது மாற்றுஅடுக்கமானவை, சிற்றிலையின் அலகு 12-18 X 5-6 செ.மீ.; நீள்சதுர முதல் நீள்சதுர-ஈட்டி வடிவானது, அலகின் நுனி கூரியது, அலகின் தளம் சமமற்றது, அலகின் விளிம்பு அலைப்போன்றது மற்றும் சிறிது பின்புறம் வளைந்தது (ரெவலுட்) காணப்படும், குறைந்தளவு லெப்பிடோட் செதில்கள் அலகின் அடிப்புறத்தில் உடையது; இரண்டாம் நிலை நரம்புகள் 10 ஜோடிகளுடையது, சிலசமயங்களில் அதன் கிளைக்குமிடத்தில் உரோமங்களுடையது; மூன்றாம் நிலை நரம்புகள் வலைப்பின்னல்-பெர்க்கரண்ட், சிலசமயங்களில் முதிர்ந்த இலைகளில் மூன்றாம் நிலை நரம்புகள் தெளிவற்றவைகள். |
மஞ்சரி / மலர்கள் : | மஞ்சரி இலைக்கோணங்களில் காணப்படும், பேனிக்கிள், கூட்டிலையின் நீளத்தை விட குட்டையானது அல்லது சமமானது; மலர்கள் ஓர்பாலானவை. |
கனி / விதை : | வெடிகனி (கேப்சூல்), கோள வடிவம் போன்றது அல்லது தலைகீழ் முட்டை அல்லது பேரிக்காய் வடிவானது, சமமற்றது, 2.5 செ.மீ. நீளம், 2-3 அறைகளுடையது, வெள்ளை நிறமான ரெசினுடையது; விதைகள் அறைக்கு ஒன்றாக கொண்டது, பத்ரி (ஏரில்) உடையது. |