English   Kannada   Malayalam   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
ಪ್ರಕೃತಿ : | 10 ಮೀ. ಎತ್ತರದವರೆಗೆ ಬೆಳೆಯುವ ಪೊದೆಗಳು. |
ಕಾಂಡ ಮತ್ತು ತೊಗಟೆ : | ತೊಗಟೆ ಬೂದು ಮಿಶ್ರಿತ ಕಂದು ಬಣ್ಣದಲ್ಲಿದ್ದು ವಾಯುವಿನಿಮಯ ಬೆಂಡು ರಂಧ್ರಗಳ ಸಮೇತವಿರುತ್ತವೆ;ಕಚ್ಚು ಮಾಡಿದ ಜಾಗ ಕೆಂಪು ಮಿಶ್ರಿತ ಕಂದು ಬಣ್ಣದಲ್ಲಿರುತ್ತದೆ. |
ಕವಲುಗಳು ಮತ್ತು ಕಿರುಕೊಂಬೆಗಳು : | ಎಳೆಯ ಕಿರುಕೊಂಬೆಗಳು ದುಂಡಾಗಿದ್ದು ದಟ್ಟವಾದ ಸೂಕ್ಷ್ಮವಾದ ಹೊಟ್ಟು ರೂಪದ ಶಲ್ಕೆಗಳಿಂದ ಕೂಡಿರುತ್ತವೆ. |
ಜಿನುಗು ದ್ರವ : | ಸಸ್ಯ ಕ್ಷೀರ ಬಿಳಿ ಬಣ್ಣದಲ್ಲಿದ್ದು ವಿಫುಲವಾಗಿರುವುದಿಲ್ಲ. |
ಎಲೆಗಳು : | ಎಲೆಗಳು ಬೆಸ ಸಂಖ್ಯೆಯ ಸಂಯುಕ್ತಪರ್ಣಿಗಳಾಗಿದ್ದು ಪರ್ಯಾಯ ಮತ್ತು ಸುತ್ತು ಜೋಡನಾ ವ್ಯವಸ್ಥೆಯಲ್ಲಿರುತ್ತವೆ;ಅಕ್ಷದಿಂಡು 1.5 - 3.5 ಸೆಂ.ಮೀ. ಉದ್ದವಿದ್ದು ಮೇಲ್ಭಾಗದಲ್ಲಿ ತುಸು ಕಾಲುವೆಗೆರೆಯನ್ನು ಹೊಂದಿರುತ್ತದೆ ಮತ್ತು ಹೊಟ್ಟು ರೂಪದ ಶಲ್ಕೆಗಳ ಸಮೇತವಿರುತ್ತದೆ;ಕಿರುಪತ್ರಗಳು 2 ರಿಂದ 3 ಜೋಡಿಗಳಿದ್ದು ಅಭಿಮುಖಿ ಅಥವಾ ಉಪ ಅಭಿಮುಖಿಗಳಾಗಿದ್ದು ತುದಿಯಲ್ಲಿ ಒಂದು ಕಿರುಪತ್ರದ ಸಮೇತವಿರುತ್ತದೆ, ಕಿರುಎಲೆಗಳು 3-7 X 1-3 ಸೆಂ.ಮೀ. ಗಾತ್ರ ಹೊಂದಿದ್ದು ಸಂಕುಚಿತ- ಅಂಡವೃತ್ತದಿಂದ ಬುಗುರಿ-ಭರ್ಜಿವರೆಗಿನ ಆಕಾರದಲ್ಲಿದ್ದು ಮೊಂಡಾಗ್ರವುಳ್ಳ ಚೂಪಾದ ಮಾದರಿಯಿಂದ ಉಪ-ಕ್ರಮೇಣವಾಗಿ ಚೂಪಾಗುವ ರೀತಿಯ ತುದಿ ಹೊಂದಿದ್ದು ಕೆಲವು ವೇಳೆ ಚೂಪಲ್ಲದ ಮಾದರಿಯ ತುದಿಯನ್ನು ಹೊಂದಿರುತ್ತವೆ;ಪತ್ರದ ಬುಡ ಚೂಪಾದ ರೀತಿಯಿಂದ ಬೆಣೆಯಾಕಾರದವರೆಗಿನ ಮಾದರಿಯಲ್ಲಿರುತ್ತದೆ; ಪತ್ರಗಳು ಕಾಗದವನ್ನೋಲುವ ಮಾದರಿಯಲ್ಲಿರುತ್ತವೆ;ಎಳೆಯದಾದ ಎಲೆಗಳು ದಟ್ಟವಾದ ಹೊಟ್ಟು ರೂಪದ ಶಲ್ಕೆಗಳಿಂದ ಕೂಡಿರುತ್ತದೆ ಮತ್ತು ಬಲಿತಾಗ ರೋಮರಹಿತವಾಗಿರುತ್ತವೆ; ಮಧ್ಯನಾಳ ಕೊಂಚ ಮೇಲೆದ್ದಿರುತ್ತದೆ; ಎರಡನೇ ದರ್ಜೆಯ ನಾಳಗಳು 8-13 ಜೋಡಿಗಳಿರುತ್ತವೆ; ಮೂರನೇ ದರ್ಜೆಯ ನಾಳಗಳು ಅತಿ ತೆಳುವಾಗಿದ್ದು ವಿಶಾಲ ಜಾಲ ಬಂಧ ನಾಳ ವಿನ್ಯಾಸದಲ್ಲಿರುತ್ತವೆ. |
ಪುಷ್ಪಮಂಜರಿ/ಹೂಗಳು : | ಪುಷ್ಪಮಂಜರಿಗಳು ಅಕ್ಷಾಕಂಕುಳಿನಲ್ಲಿದ್ದು ಪುನರಾವೃತ್ತಿಯಾಗಿ ಕವಲೊಡೆಯುವ ಮಾದರಿಯಲ್ಲಿದ್ದು ಎಲೆಗಳಿಗಿಂತ ಗಾತ್ರದಲ್ಲಿ ಚಿಕ್ಕದಾಗಿರುತ್ತವೆ ಹಾಗೂ ಹೊಟ್ಟು ರೂಪದ ಶಲ್ಕೆಗಳಿಂದ ಕೂಡಿರುತ್ತವೆ. |
ಕಾಯಿ /ಬೀಜ : | ಬೆರ್ರಿಗಳು ಹೆಚ್ಚೂ ಕಡಿಮೆ ಗೋಳಾಕಾರದಲ್ಲಿದ್ದು ಹೊಟ್ಟು ರೂಪದ ಶಲ್ಕೆಗಳಿಂದ ಕೂಡಿದ್ದು 1.5 ಸೆಂ.ಮೀ. ಅಡ್ಡಗಳತೆಯನ್ನು ಹೊಂದಿದ್ದು ಹಾಗೂ ಅಗ್ರದಲ್ಲಿ ಅದುಮಿಕೊಂಡಿರುವುದಿಲ್ಲ;ಕೋಶಗಳು ಎರಡಿದ್ದು ಪ್ರತಿ ಕೋಶದಲ್ಲಿ 1 ಬೀಜ ಇರುತ್ತದೆ. |